BE-Shqipëri: Drejt forcimit të administrimit të kufirit

SHPËRNDAJE

avramopulosDIMITRIS AVRAMOPOULOS

Vitet e fundit i kanë afruar gjithnjë e më shumë Bashkimin Europian dhe Ballkanin Perëndimor, duke thelluar lidhjet dhe marrëdhëniet e vjetra në kontinentin tonë europian. Nga njëra anë, sfidat e vazhdueshme migratore dhe të sigurisë kanë demonstruar se ato mund të zgjidhen vetëm përmes një përqasjeje të përbashkët dhe ndërkufitare dhe vendet e Ballkanit Perëndimor kanë qenë dhe vazhdojnë të jetë partnerë tipikë në këtë përpjekje.

Nga ana tjetër, rruga europiane ka dëshmuar edhe një herë se është i vetmi fat i mundshëm për Ballkanin Perëndimor – siç është përforcuar edhe nga Strategjia e BE-së për Ballkanin Perëndimor dhe perspektivën e zgjerimit. Sot ne jemi në fillimin e një kapitulli tjetër të rëndësishëm në historinë tonë të përbashkët, veçanërisht kur është fjala për lëvizshmërinë dhe migracionin – dhe menaxhimin e kësaj së bashku.

Shqipëria ishte vendi i parë që arriti një marrëveshje për marrëveshjen e statusit me Bashkimin Europian mbi veprimet e ndërmarra nga Agjencia Europiane e Rojave Kufitare dhe Bregdetare, të cilën unë e siglova më 12 shkurt 2018. Këshilli miratoi më 13 korrik 2018 propozimin e Komisionit për të autorizuar nënshkrimin e asaj marrëveshjeje. Marrëveshja do të nënshkruhet zyrtarisht menjëherë më pas.

Pasi kjo marrëveshje të hyjë në fuqi, rojat kufitare të vendosura në kufijtë tuaj do të kenë të drejtë të kryejnë kontrolle kufitare në pikat e kalimit kufitar së bashku me rojat tuaja kombëtare të kufirit. Ata gjithashtu do të patrullojnë përgjatë kufirit për mbikëqyrjen e tij, si dhe mund të përdoren gjithashtu pajisje teknike. Kjo marrëveshje do të sjellë një vlerë të shtuar të madhe në drejtim të forcimit të menaxhimit të kufirit dhe luftës kundër migracionit të parregullt dhe kontrabandimit të migrantëve në rajon.

Veçanërisht, në kontekstin aktual, me një rritje të ardhjeve të parregullta dhe kalimeve kufitare përgjatë rrugës bregdetare të rajonit të Ballkanit Perëndimor, ky do të jetë një mjet i rëndësishëm për të frenuar lëvizjet e parregullta. Më e rëndësishmja, kjo lloj marrëveshje është një instrument që tregon gatishmërinë për sfida më të mëdha në të ardhmen dhe shënon hapin tjetër në bashkëpunim me Agjencinë Europiane të Rojave Kufitare dhe Bregdetare – një hap i rëndësishëm përpara dhe në interesin më të mirë të vendeve të Ballkanit Perëndimor dhe të Bashkimit Europian.

Menaxhimi më i fortë i kufijve shkon krah për krah me një tjetër element kyç të bashkëpunimit tonë: lëvizshmëria pa viza. Unë e kam thënë gjithmonë se shpresoj të jemi shumë afër pasjes së një regjimi pa viza me të gjithë rajonin shumë shpejt. Regjimi pa viza do të thotë shumë për të gjithë qytetarët tanë, për t’i sjellë ata më afër profesionalisht, ekonomikisht, kulturalisht. Në të njëjtën kohë, udhëtimi pa viza vjen me të drejta dhe përgjegjësi – dhe pasi të merret, të gjithë duhet të sigurohen që të gjitha standardet të mbeten të përmbushura dhe që të mos ketë abuzime apo zhvillime që rrezikojnë këtë arritje të madhe.

Sistemi Europian i Informacionit dhe Autorizimit për Udhëtimet, i miratuar kohët e fundit, gjithashtu do të kontribuojë për ruajtjen e udhëtimit pa viza për udhëtarët e vërtetë, si dhe për të zbuluar ata që paraqesin rrezik apo risk për migrim të parregullt që para se ata të udhëtojnë. Ne do të vazhdojmë të monitorojmë, gjithashtu edhe përmes mekanizmit të pezullimit të vizave, si dhe ta mbështesim Shqipërinë dhe gjithë partnerët e Ballkanit Perëndimor në këtë përpjekje.

Më në përgjithësi, për të siguruar një menaxhim të sigurt të migracionit, ne duhet të jemi plotësisht të koordinuar në qasjen tonë. Në këtë drejtim, përafrimi i politikës së vizave të partnerëve të Ballkanit Perëndimor me acquis të BE-së do të kontribuojë më tej për reduktimin e rreziqeve migratore dhe të sigurisë. Tani më shumë se kurrë, BE-ja dhe Ballkani Perëndimor po e përforcojnë historinë e tyre të përbashkët, duke ndërtuar një të ardhme edhe më të përbashkët dhe të begatë.

Intensifikimi i bashkëpunimit për migracionin, lëvizshmërinë, kufijtë, si dhe për të luftuar terrorizmin dhe krimin e organizuar do të jenë parametrat thelbësorë të një partneriteti që është shumë më i gjerë dhe shumë më i thellë. Qytetarët në Tiranë, në Vjenë apo në Bruksel duan të gjithë të njëjtën gjë: një Europë të sigurt, të begatë, të lirë dhe të lëvizshme. Vetëm duke u afruar politikisht, në mënyrë operacionale dhe në të ardhmen, pasi gjithçka të ketë avancuar si duhet, edhe në mënyrë institucionale, ne do të mund t’ia sigurojmë këtë qytetarëve tanë.

*Komisioner i BE-së për Migracionin dhe Çështjet e Brendshme

Te lidhura

 

S'KA KOMENTE

Comments are closed.