Pas ngjarjeve në Kumanovë, tre ministra të kabinetit qeveritar në Shkup dhanë dorëheqjen.
Ministrja e Brendshme, ai i Transporteve dhe ministri i Financave, njëherësh zv.kryeministër paraqitën tekstin e dorëheqjes para kryeministrit Gruevski.
Kësaj liste iu bashkua edhe shefi i Agjencisë Sekrete, ndërkohë që po përflitet edhe për largimin e Prokurorit Publik.
Por çudia më e madhe është se në Partinë e Ali Ahmetit as që diskutohet për mundësinë e dhënies së dorëheqjes së ndonjërit prej ministrave.
Gjatë pasdites u përfol se do të largohej ministri i Arsimit, Abdilaqim Ademi. Por në një prononcim për Portalb në Maqedoni ai tha se nuk ka asgjë të vërtetë dhe se vazhdon punën.
“As unë e asnjë ministër shqiptar nuk jemi dorëhequr për dallim nga kolegët tanë maqedonas. Nesër do të ketë seancë qeveritare për minstrat e rinj, në ora 13″ tha për Portalb, Ademi.
NDIQE LIVE "PANORAMA TV" © Panorama.al