Një bodybuilder i ka shpëtuar vetëvrasjes në momentin që adaptoi 50 qen të vegjël.
Sipas “Daily Mail”, Bobby Humphreys, 48 vjeç, kishte kaluar në depresion, sepse ish-bashkëshortja e kishte tradhtuar dhe braktisur.
I lënduar, i zhgënjyer dhe i mbyllur në vetvete, Bobby mendoi se vetëvrasja ishte e vetmja rrugë për të shpëtuar ngamakthi që po kalonte.
Në këtë moment, mikja e tij më e mirë, Connie, hyri brenda në shtëpinë e tij dhe gjithçka mori një rrjedhë tjetër.
“Connie, më mbajti në këtë planet. Një mike e vërtetë që ishte gjithmonë aty për mua!”,- u shpreh ai.
Pasi Connie e ndihmoi Bobby-n të kalonte atë moment të frikshëm, ai ishte akoma jashtëzakonisht i dëshpëruar.
“Gjatë asaj kohe, Connie po zhvendosej në një shtëpi tjetër dhe më kërkoi të kujdesesha për qenushen e djalit të saj përkohësisht, derisa të gjente dikë tjetër. Sigurisht, pranova. Qenushja, e cila quhej Lady, nuk pëlqente çdokënd dhe si rezultat, nuk rrinte me çdo individ, sidomos me meshkujt”,- zbuloi ai.
Bobby krijoi një lidhje të ngushtë me qenushen gjatë kësaj periudhe dhe vendosi ta adoptojë. Por, që atëherë, ai ka adaptuar më shumë se 50 qen të vegjël.
