Kreu i Partisë Demokratike, Lulzim Basha, ka vendosur t’u ndërpresë pushimet deputetëve dhe drejtuesve të departamenteve në selinë blu dhe t’i angazhojë në aksionin opozitar që do të nisë nga data 1 shtator.
Grupi i punës do të ketë 12 anëtarë në përbërje të tij, të cilët, në urdhrin e firmosur nga Basha, janë të ndarë edhe në varësi të departamenteve që përfaqësojnë. Kështu, krahas kryetarit që do të zgjidhet për drejtimin e këtij grupi pune, anëtarët e tjerë do të vijnë nga departamentet brenda PD-së, ndërsa tri hapësira janë rezervuar për tre profesionistë nga fusha e ndërtimit.
Dy anëtarë do të përzgjidhen nga “Departamenti i Ekonomisë dhe Tregut”, dy nga ai “Për të drejtat e Njeriut dhe Liritë Themelore”, dy nga “Drejtësia dhe Çështjet Ligjore”, një nga “Ambienti, Pyjet dhe Turizmi” dhe një nga ai i “Shëndetësisë”.
Në urdhrin e lëshuar dje nga Basha, kërkohet bashkëpunim i plotë me strukturat e PD-së në 61 njësitë e reja vendore.
NDIQE LIVE "PANORAMA TV" © Panorama.al
