“Basha s’mund të gjykohet vetëm si fallsifikator”, Balla reagon për vendimin e prokurorisë: Kjo dosje duhet të hetohet nga SPAK jo nga KÇK

Ka reaguar kreu i Grupit Parlamentar të PS, Taulant Balla pasi Kryetari i PD Lulzim Basha merret si i pandehur për lobimin 675.000 usd në SHBA.

“Prokuroria në dokumentin e bërë publik ka vërtetuar pagesën 500mijë dollar dhe   vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron. Pse në konkluzion kjo akuzë mungon?”, shkruan Balla.

Më tej ai shprehet se Gjykata nuk duhet ta pranojë dosjen, duke e rikthyer sërish në hetim.

“Gjykata nuk duhet ta pranojë dhe duhet ta rikthejë për hetim. Kjo dosje duhet të hetohet nga SPAK jo nga KÇK”, shkruan ai.

Postimi i plotë:

“L.Basha nuk mund të gjykohet vetëm si fallsifikator.Prokuroria në dokumentin e bërë publik ka vërtetuar pagesën 500 mijë dollarë & vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron.Pse në konkluzion kjo akuzë mungon?