Kryetari i Partisë Demokratike Lulzim Basha ka vijuar fushatën elektorale në Mallakastër, prej nga ka komentuar duke i quajtur të ulëta dhe qesharake mallkimet e kryeministrit ndaj qytetarëve.
Basha tha se mallkimi më i madh që “Edi Rama dhe Ilir Meta i kanë bërë popullit janë varfëria mjerimi dhe pasiguria ku e kanë zhytur vendin për të cilin do të marrin dhe ndëshkimin në 21 qershor”.
“Shikoni sa qesharak dhe i pashpresë është bërë! Pasi e ka parë se s’i i funksionojnë as premtimet se nuk i beson njeri, as kërcënimet se nuk kërcënon dot një popull ka filluar me mallkime, është bërë si ai qesharaku që thoshte, të zëntë sëmundja po s’më votove mua! O Edo sa poshtë ke rënë! Po pse, me mallkime do i marrësh votat e mallakastriotëve dhe shqiptareve?”,- tha Basha.
Dje nga Konispoli, kreu i qeverisë Edi Rama iu largua batutave dhe përdori një mallkim për të treguar ndryshimin mes qeverisjes së mazhorancës aktuale dhe politikës që bën opozita.
NDIQE LIVE "PANORAMA TV" © Panorama.al
