UPDATE/ Kryetari i Partisë Demokratike Lulzim Basha mblodhi në një takim kryetarët e rinj të bashkive të djathta të zgjedhur më 21 qershor. Duke iu referuar takimit që kryeministri zhvilloi me krerët e bashkive mesditen e së hënës, Basha e akuzoi Ramën për shfaqje të shëmtuara ku të zgjedhurit vendor thirren sa për fasadë.
“Po të kishte prioritet qytetarët nuk do t’i mungonte bashkëpunimi me ju. Sot pushteti vendor është pranë një kolapsi total dhe përgjegjësia është e kryeministrit dhe e qeverisë. Në vend që të angazhohet për t’i dhënë drejtim boshllëkut ligjor dhe të kthehet në rrugën europiane të ligjit, vazhdon lojëra orientale të pushtetit. Shfaqja e sonte ishte një shfaqje e shëmtuar, me një mentalitet feudali thirren për të bërë shfaqje krerët e bashkive dhe rrinë të heshtur përballë një kryeministri që reciton poezi”,-deklaroi Basha.
Kryetari i Partisë Demokratike foli edhe për zgjedhjen e kandidatëve në krye të bashkive ë vendit me precedentë kriminal, ndërsa theksoi se Rama ende ka reflektuar për thirrjet e ndërkombëtarëve. “Kandidimi i personave me rekorde të tmerrshme kriminale dhe me gjithë kërkesave të përsëritura të partnerëve ndërkombëtar, Edi Rama nuk u tërhoq nga ky model dhe ende s’ka gjetur asnjë moment për një shenjë reflektimi.”,-tha Basha.
Kreu i PD-së foli edhe për projektin e ri të qeverisë për ndërtesa të reja dhe hapësira të gjelbërta pranë Universitetit Politeknik dhe Gardës së Republikës, duke thënë se bëhet për interesa të ngushta me qëllim shpërblimin e financuesve të fushatës elektorale në Tiranë. “Po sot do ta them si kryebashkiak në detyrë do ta them që projekti që ka ndërmend të zbatojë në parkun e Sheshit Nënë Tereza, betonizim i padrejtë. Tiranën e sheh si fabrikë të interesave të tij. Janë interesat financiare që drejtuan fushatën e kandidatit të Ramës. Miliona euro, para të errëta dhe të padeklaruara, por para që duhen të kthehen klientëve të tij”,-deklaroi Lulzim Basha.
***
Më herët, burime nga Partia Demokratike thanë se tryeza e thirrur nga Basha kë si qëllim konsultimin me krerët e rinj të bashkive të programeve dhe parimeve të shpallura prej tyre në fushatë elektorale.
Takimi i kreut të PD-së me kryebashkiakët e opozitës, vjen pak orë pas një tjetër takimi që kryeministri Edi Rama do të zhvillojë mesditën e së hënës.
NDIQE LIVE "PANORAMA TV" © Panorama.al