Basha, homazhe në Memorialin e liderit të Lëvizjes Studentore: Krenaria për Azem Hajdarin na bashkon, sidmos kur fatet e demokracisë janë të pasigurta

Sep 12, 2021 | 10:22
SHPËRNDAJE

Kryedemokrati Lulzim Basha dhe drejtues të tjerë të PD-së zhvilluan sot homazhe në Memorialin e liderit të Lëvizjes Studentore Azem Hajdari, ndërkohë që shënohen 23 vjet nga vrasja e tij. 

basha 1

Kreu i PD-së thekson se “mirënjohja dhe krenaria për Azem Hajdarin na bashkon, sidomos kur fatet e demokracisë janë të pasigurta”.

Vepra dhe sakrifica e Azem Hajdarit mbetet model frymëzimi për të mos iu nënshtruar dhunës së regjimit, për të luftuar me vendosmërinë e heroit të demokracisë dhe për të çuar deri në fund idealin e Shqipërisë si gjithë Europa”, shprehet Basha në mesazhin e tij.

MESAZHI I PLOTË

Sot, si çdo 12 shtator, përkujtojmë liderin e Lëvizjes Studentore, njeriun që ndezi shpirtrat dhe vrau frikën e shqiptarëve anembanë vendit për liri dhe demokraci, të paharrueshmin Azem Hajdari dhe mikun e bashkëluftëtarin e tij, Besim Çera.

Vepra dhe sakrifica e Azem Hajdarit mbetet model frymëzimi për të mos iu nënshtruar dhunës së regjimit, për të luftuar me vendosmërinë e heroit të demokracisë dhe për të çuar deri në fund idealin e Shqipërisë si gjithë Europa.

Mirënjohja dhe krenaria për Azem Hajdarin na bashkon, sidomos kur fatet e demokracisë janë të pasigurta dhe perspektiva europiane e Shqipërisë kërcënohet nga regjimi i pakicës së korrupsionit dhe krimit.

Si demokratë ne mbajmë në zemrat tona kujtimin më të mirë për tribunin e pavdekshëm, që sot e përgjithmonë na nxit të qëndrojmë dhe të luftojmë të bashkuar deri në triumfin e lirisë dhe demokracisë.
I paharruar kujtimi i tij!

basha 2 basha 3

© Panorama.al

Te lidhura