Kreu i PD-se, Lulzim Basha nga selia blu ka dale me deklarate te forte, pas takimit te mbajtur sot paradite me aleatet.
Ai ka numeruar gjithe favoret qe ministri i Brendshem i ka bere vellait te tij, Agron Xhafajt i denuar per pjesemarrje ne grupin e strtukturuar kriminal per trafik droge dhe ka kerkuar ne emer te PD dhe opozites largimin e menjehershem te tij nga posti i Ministrit te Brendshem.
Ne nje dekartate te gjate, Basha ka numeruar edhe 4 kerkesat per prokurorine, e cila, sipas tij, “Në këtë situatë duhej që ndaj vetë Fatmir Xhafës të kishte nisur një hetim i gjithanshëm nga Prokuroria”.
Deklarata e Bashes
Prej një jave fakte dhe prova të qarta janë bërë publike për aferën Xhafaj. Prej ditësh shqiptarët pavarësisht prej bindjeve politike kanë pritur që Fatmir Xhafaj të jepte dorëheqjen ose të shkarkohej.
Por Fatmir Xhafaj hesht dhe i fshihet përgjegjësië së tij ligjore dhe politike.
1. Është fakt se Agron Xhafaj është kapur në një operacion ndërkombëtar kundër një organizate kriminale të trafikut të drogës i cili është zhvilluar nga Policia Italiane dhe DEA, agjencia amerikane e luftës kundër drogës.
2. Është fakt se Agron Xhafaj është dënuar në Itali me vendim të formës së prerë të konfirmuar nga Gjyakata e Lartë e Italisë me 7 vjet e 2 muaj heqje lirie, për pjesëmarrje në një grup të strukturuar kriminal që kryente trafik ndërkombëtar të drogës.
3. Është fakt se Agron Xhafaj i ka ikur drejtësisë, ka patur dijeni për të gjitha proceset, ka patur edhe avokat mbrojtës I cili ka ndjekur të gjitha shkallët gjyqësore, por ka zgjedhur që të mbetet në arrati gjatë gjithë procesit të gjykimit dhe dënimit.
4. Është fakt se Agron Xhafaj nuk ka vuajtur asnjë ditë dënim, as në Itali dhe as në Shqipëri.
5. Është fakt se Agron Xhafaj ka qenë dhe është në Shqipëri me identitet të ndryshuar nga Agron në Geron Xhafaj.
Të gjitha këto janë fakte.
1. Në bazën e këtyre fakteve, ligji shqiptar kërkon që Agron Xhafaj të arrestohet dhe të vuajë dënimin që ka marrë.
2. Në bazë të këtyre fakteve, ligji shqiptar anti-mafia kërkon që pasuritë e tij dhe të vëllait Fatmir Xhafaj të hetohen.
Fatmir Xhafaj si Kryetari i Komisionit të Ligjeve ka manipuluar përmes falsifikimit ndryshimet në Kodin e Procedurës Penale, për të shtuar një nen i cili e bën të pamundur ekstradimin në Itali të Agron Xhafajt.
Fatmir Xhafaj si Ministër i Brendshëm, është sic e ka thënë vetë “pikëtakimi me njerëz të pushtetshëm mes krimit dhe pushtetit”, i cili ka mundësuar përmes pushtetit të tij që i vëllai i tij Agron Xhafaj, i dënuar me vendim të formës së prerë nga drejtësia italiane:
1. Ti shpëtojë ekstradimit në Itali dhe vuajtjes së dënimit Italian në Shqipëri
dhe
2. të vazhdojë trafikun e drogës dhe të jetë një nga kokat e trafikut të drogës sic e panë dhe e dëgjuan dje mbarë shqiptarët.
Fatmir Xhafaj si Ministër i Brendshëm pengon zbatimin e Ligjit Antimafia i cili thotë:
1. Se pasuritë e atyre që dyshohen për pjesëmarrje në organizata kriminale ose trafik droge sekuestrohen, hetohen dhe nëse rezulton që janë produkt i aktivitetit kriminal atëherë konfiskohen.
2. Se edhe pasuritë e familjarëve përfshirë vëllezërit e atyre që dyshohen për pjesëmarrje në organizata kriminale ose trafik droge sekuestrohen, hetohen dhe nëse rezulton që janë produkt i aktivitetit kriminal atëherë konfiskohen, (në këtë rast vetë Fatmir Xhafaj dhe pasuritë e tij).
Në këtë rast Agron Xhafaj nuk është thjesht i dyshuar për pjesëmarrje në organizata kriminale ose trafik droge.
Agron Xhafaj është i dënuar me vendim të formës së prerë nga Drejtësia Italiane për pjesëmarrje në organizata kriminale dhe trafik nërkombëtar droge.
Por Fatmir Xhafaj, Ministër i Brendshëm, ka penguar dhe pengon zbatimin e Ligjit Antimafia ndaj vëllait të tij dhe atij vetë.
Ky është rasti I vetëm në botë ku Ministri i Brendshëm përgjegjës për zbatimin e Ligjit Antimafia, është vetë subjekt i Ligjit Antimafia.
Në këtë situatë duhej që ndaj vetë Fatmir Xhafës të kishte nisur një hetim i gjithanshëm nga Prokuroria.
1. Fatmir Xhafaj duhet t’i nënshtrohet së pari hetimit të ligjit antimafia për pasuritë si familjar i personave me aktivitet mafioz.
2. Së dyti, duhet të hetohen të gjitha veprimet dhe mos veprimet e Fatmir Xhafajt, si Ministër i Brendshëm, si rezultat i të cilave, vëllai i tij Agron Xhafaj i dënuar për trafik ndërkombëtar droge nga drejtësia Italiane me 7 vjet e 2 muaj nuk ka bërë asnjë ditë të vetme burg, as në Itali dhe as në Shqipëri.
3. Së treti, duhet të hetohen të gjitha veprimet dhe mos veprimet e Fatmir Xhafajt, si Ministër i Brendshëm, si rezultat i të cilave Agron Xhafaj i ka shpëtuar vuajtjes së dënimit.
4. Së katërti, duhet të hetohen të gjitha veprimet dhe mos veprimet e Fatmir Xhafajt, si Ministër i Brendshëm, që mundësojnë vazhdimin e aktivitetit kriminal të Agron Xhafaj.
Por as Ministria e Brendshme, as Policia, as Prokuroria e kapur nga dyshja Rama-Xhafa nuk vepron dhe nuk do të veprojë sa kohë Fatmir Xhafaj është ministër i Brendshëm, eprori politik i Policisë që kryen verifikimet dhe hetimet dhe padroni politik i Arta Markut dhe Donika Prelës.
Prandaj Fatmir Xhafaj duhet të largohet menjëherë nga Ministër i Brendshëm.
Shqipëria nuk mund të përballojë dot të shkojë nga një ministër i brendshëm i drogës tek një ministër tjetër i brendshëm i drogës.
Fatmir Xhafaj refuzoi që vetingu në polici të fillonte nga ai vetë dhe tani është e qartë pse nuk e pranoi këtë.
Tani është momenti që të largohet si Ministër që t’i nënshtrohet ligjit anti-mafia.
Shqipëria dhe shqiptarët nuk e meritojnë të kalojmë nga afera Tahirit, te afera Xhafaj. Ne nuk mund të kalojmë nga droga e Tahirit, tek droga e Xhafajt, e kështu me radhë.
Heshtja ndaj drogës dhe krimit, ndaj politikanëve të lidhur me krimin ndihmon vetëm krimin dhe politikanët e lidhur me të, jo Shqipërinë.
Ky nuk mund të jetë kurrë fati i Shqipërisë.
Në emër të Partisë Demokratike, në emër opozitës, kërkoj largimin e menjëhershëm të Fatmir Xhafajt nga detyra e Ministrit të Brendshëm.
Takimi me aleatet
Në selinë e PD janë paraqitur krerët e partive opozitare, Monika Kryemadhi, Agron Duka, Dashamir Shehi, te cilet kane dale prej andej rreth ores 10:45, 25 minuta pas nisjes se takimit.
Ky takim vjen në një moment që PD ka publikur një audio përgjim ku pretendohet se Agron Xhafaj bën pazare droge me një person që PD thotë se është bashkëpunëtor i tij.
Nga ana tjetër vëllai i ministrit ka depozituar kallëzim penal në Prokurori per tre zyrtaret e PD dhe pretendon se në audio nuk është zëri i tij.
Sakaq, PD ka marre vendim qe sot deputetet te jene ne cdo komision parlamentar ku kane kerkuar doreheqjen e ministrit Fatmir Xhafaj.
Basha ka paralajmëruar se nëse s’do ketë qëndrim nga mazhoranca deri te enjten, opozita pritet që të marrë vendime të mëdha.
Të gjitha opsionet janë në tavolinë, si protesta dhe djegie mandatesh.
Rreth ores 11.30, pas takimit me opoziten, kryetari Basha pritet te kete deklarate ne seli.
NDIQE LIVE "PANORAMA TV" © Panorama.al
