Janë luajtur të mërkurën në mbrëmje sfidat e javës së 5-të të Ligës së Kampionëve për grupet A, B, C dhe D.
Kampionët e Italisë, Juventusi arriti që të mposhte sërish Mançester Sitin, por kësaj radhe në shtëpi. Gjithashtu, fitore kanë arritur edhe Reali me dhe PSG-ja me goleada.
Manxhukiç i siguron kualifikimin Juventusit
Juventusi po tregon edhe një herë formën e tij më të mirë në Ligën e Kampionëve. Skuadra italiane mposhti sërish sot rivalët anglezë të Mançester Sitit, me rezultatin minimal 1-0.
Goli i vetëm u shënua nga sulmuesi kroat, Mario Manxhukiç, që shënoi në pjesën e parë të takimit. Me këtë fitoreje, italianët sigurojnë kualifikimin për më tej.
Reali harron disfatën me Barçën, fitore 7+ me Shaktharin
Reali i Madridit ka lënë pas disfatën në “El Clasico” ndaj Barcelonës në fundjavë, pasi ka mposhtur 3-4 në transfertë Shakhtarin e Donjetskut.
Ishte një ndeshje me shumë gola dhe me mjaft emocione. Serinë e golave e hapi Ronaldo që në pjesën e parë.
Më pas ishin Modriç dhe Karvahal që trefishuan përpara se Ronaldo të plotësonte dopietën. Por edhe pse në dizavantazh 4-0, ukrainasit nuk u dorëzuan. Ata shënuan tre gola me anë të Tekseirës, që shënoi dy herë dhe Dentinjos.
PSG me 5 yje ndaj Malmos
Fitore të thellë ka arritur edhe skuadra e PSG-së, ndaj Malmos në transfertë, duke siguruar kualifikimin. Di Maria ishte deciziv me dopietën e tij.
Tre golat e tjerë për skuadrën nga Parisi u shënuan nga mesfushori Rabiot, Lukas dhe sulmuesi Ibrahimoviç.
Junajtid ndalet nga PSV-ja
Mançester Junajtid ka bërë një tjetër hap fals në Ligën e Kampionëve, teksa ka regjistruar një barazim me holandezët e PSV-së.
Edhe pse anglezët dominuan lojën, ata nuk arritën që për asnjë moment të gjenin rrugën e golit.
-Ndeshjet e së martës: Barça shkatërron Romën, Bajern dhe Çelsi fitojnë me goleada-
Jën luajtur të martën në mbrëmje 8 sfida nga java e pestë e Ligës së Kampionëve për grupet E, F, G dhe H.
Barcelona shkatërroi Romën me rezultatin 6-1 duke siguruar kualifikimin për më tej dhe duke rrezikuar italianët.
Fitore me shumë gola arriti edhe Bajerni, që mposhti Olimpiakosin me rezultatin 4-0. Po kështu, fituan edhe Çelsi me Arsenalin.
Barcelona shkërrmoq Romën, Mesi rikthehet me dopietë
Bacelona ka mposhtur sot Romën me rezultatin 6-1 duke siguruar kështu kualifikimin për më tej dhe duke vazhduar formën e mirë që tregoi në “El Clasico” kur mposhti Realin 4-0.
Lajmi i mirë është se u rikthye edhe Lionel Mesi, i cili shënoi dy gola. Dopietë shënoi edhe sulmuesi uruguaian, Luis Suarez. Dy golat e tjerë për Barcelonën u shënuan nga Korrea dhe Pike. Për Romën, golin e vetëm e shënoi Zheko në minutën e fundit të takimit.
Bajerni mposht Olimpiakosin, Badshtuber skuqet
Fitore me shumë gola ka arritur edhe Bajerni i Mynihut që mposhti lehtë grekët e Olimpiakosit në “Allianz Arena”. Bavarezët hapën e serinë e golave që në pjesën e parë duke shënuar tre të tillë.
Kosta, Levandovski dhe Myler shënuan në pjesën e parë.Në të dytën, ishte talenti Koman që shënoi golin e katërt.
Pas këtij goli, Badshtuber u ndëshkua me kartonin e kuq dhe Bajerni luajti me një lojtar më pak.
Arsenali i afrohet kualifikimit, tris me Dinamon e Zagrebit
Fitore të rëndësishme ka shënuar edhe skuadra angleze e Arsenalit, që mposhti në shtëpi Dinamon e Zagrebit me rezultatin 3-0.
Djemtë e Vengerit shënuan që në pjesën e parë dy gola, më anë të Ozil dhe Aleksis Sançez. Në të dytën, ishte kiliani që shënoi edhe golin që vulosi rezultatin.
Çelsi i Murinjos kalon Makabin dhe kualifikohet
Edhe “Blutë” e Londrë skanë ndjekur hapin e gjigantëve këtë mbrëmje teksa kanë mposhtur 4-0 në transfertë Makabin e Tel-Avivit.
Kahill shënoi në pjesën e parë të takimit, ndërsa në të dytën ishin Uillian, Oskar dhe i riu Baba që vulosën gjithçka, duke siguruar kualifikimin për djemtë e Murinjos.
RENDITJE
NDIQE LIVE "PANORAMA TV" © Panorama.al
