“Babai ka vuajtur shumë”/ Djali i aktorit Paulin Preka: Fuqia artistike e tij ishte falë kolegëve dhe teatrit. Ai kishte nevojë për…

Sep 8, 2021 | 11:59
SHPËRNDAJE

Tre ditë më parë u nda nga jeta aktori i njohur shkodran Paulin Preka, ndërsa sot pas mbërritjes së trupit në atdhe do t’i jepet lamtumira e fundit.

Djali i tij, Sokol Preka në fjalimin e rastit, falënderoi të gjithë artistët, të cilët i kanë qëndruar pranë babait gjatë gjithë jetës artistike.

“Ka qenë një periudhë që ka vuajtur në Itali, e dimë të gjithë sa e vuajtshme është. Babai ka vuajtur shumë, por ne kishim edhe detyrën si fëmijë që ta mbanim afër. Ai kishte nevojë për afërsinë tonë, por kishte nevojë për publikun, për kolegët, për Teatrin dhe për aktivitetin që ka bërë gjithë jetën. Nëse babai ka arritur këtë fuqi artistike në jetë, është e padiskutueshme që e ka arritur nga kolegët e tij.

Nëse ke një ambient që të përkrahin në jetën artistike, kush mund ta bëjë më mirë sesa kolegët e tij. Pra një falënderim i përjetshëm për atë që ju keni bërë për babain”, u shpreh djali i aktorit.

Trupi i pajetë i Mjeshtrit të Madh të humorit shkodran dhe mbarë shqiptar, Paulin Preka mbërriti paraditen e 8 shtatorit nga Italia në qytetin e tij të lindjes në Shkodër.

Teatri i qytetit, “Migjeni”, hapi dyert për të zhvilluar homazhet e fundit për nder të artistit të madh shqiptar, i cili u nda nga jeta më 4 shtator.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/