Kryeministri i Serbisë, Aleksandër Vuçiç do të ulet nesër në Rinas në orën 11:00, në vizitën e parë që bën një kryeministër nga Beogradi në vendin tonë.
Rreth 30 minuta më vonë është parashikuar pritja zyrtare në Pallatin e Brigadave nga kryeministri shqiptar Edi Rama.
Kjo ceremoni pritet të zgjasë për rreth 10 minuta, ku do të ekzekutohen himnet e dy vendeve dhe do të prezantohen dy delegacionet.
Në orën 11.50 deri në 12.45, për gati 55 minuta do të zhvillohet edhe takimi mes dy delegacioneve, takim i cili do të pasohet nga një konferencë e përbashkët për shtyp e dy kryeministrave, Rama e Vuçiç.
Kreu i qeverisë serbe do të vijojë pas drekës takimet me kreun e Kuvendit, Ilir Meta, kreun e shtetit Bujar Nishani dhe kryetarin e Bashkisë së Tiranës, njëherësh lideri i opozitës, Lulzim Basha.
Dita e dytë e Vuçic në Tiranë do të jetë të enjten në forumin Vienna Economic Forum.
AXHENDA
Ora 11.30
Mbërritja e delegacionit në Pallatin e Brigadave
Ora 11.35 – 11.45
Ceremonia e mirëseardhjes (Përpara Pallatit të Brigadave
Ora 11.50- 12.45
Takim dypalëshi delegacioneve kryesuar nga dy Kryeministrat
Vendi: Biblioteka – Pallati i Brigadave
Ora 12.50-13.20
Konferencë e përbashkët për shtyp
Ora 15.00 – 15.40
Takim me Kryetarin e Parlamentit, Sh.T.Z. Ilir Meta
Ora 15.50 -16.30
Takim me Presidentin e Republikës, Sh.T.Z.Bujar Nishani
Ora 16.40-17.15
Takim me Kryetarin e Bashkisë së Tiranës Z. Lulzim Basha
E ENJTE
Pjesëmarrja në Vienna Economic Forum
NDIQE LIVE "PANORAMA TV" © Panorama.al
