GJykata e Apelit ka caktuar 12 vjet burg pilotin italian Xhorxho Riformato, i dënuar me 15 vjet burg nga Gjykata e Krimeve të Rënda për trafik ndërkombëtar droge.
Riformato kërkon prishjen e vendimit të Shkallës së Parë dhe deklarimin e tij të pafajshëm.
Ai pretendon se ka gabim tek telefonat e përgjuar. “2 telefonat e sekuestruar janë të shoqërisë ku punoja, numri i paraqitur në vendim nuk është i imi. Arsyeja e ardhjes sime ishte për turizëm”,- ka thene ai.
Riformato është piloti i avionit me drogë që u bllokua në plazhin e Divjakës. Në të njëjtën zonë u sekuestruan 460 kg marijuanë dhe u arrestua korrieri Bajrami.
Për këtë ngjarje u arrestuan 7 persona, Giorgio Riformato i dënuar me 15 vite burg, Sajmir Bajrami, Mereglen Ymeraj, Kristian Demçe, Kleviol Ahmeti, Aurel Pupe dhe Orgest Bilbili.
NDIQE LIVE "PANORAMA TV" © Panorama.al
