Autostrada Tiranë-Elbasan/ LSI i përgjigjet akuzave të Ballukut, i nxjerr letrën që Haxhinasto i dërgoi Ramës në 2016

Sep 7, 2020 | 12:55
SHPËRNDAJE

Pas reagimit te Ministrise se Infrastruktures dhe Energjise per atbitrazhin e gjyqit per autostraden Tiranë-Elbasan, qe fajeson LSI, duke i kujtuar se shkeljet kane ndodhur ne kohen kur ministria drejtohej nga kjo force politike, vjen reagimi i partise se drejtuar nga Kryemadhi. rama haxhinasto

LSI, duke publikuar letren qe ministri i kohes, Edmond Haxhinasto i niste Kryeministrit Rama, lidhur me situaten dhe problematikat qe ai ka konstatuar, i kujton ministres Balluku se perpara se të bëjë deklarata inati ndaj Damian Gjiknurit, të shikojë letrat mirë.

“Ankesa e firmës Greke AKTOR ka ardhur në ARRSH, një javë pasi Dashamir Xhika ka dhënë dorëheqjen. Trajtimi i këtyre ankesave duhet të ishte marrë në konsideratë nga Damian Gjiknuri dhe Afrim Qëndro. Kur LSI qenka kaq e rëndësishme, përse firma Greke ka nisur gjyqin me qeverinë shqiptare në 2019-ën, 2 vite pasi LSI ishte në opozitë dhe pse kryeministri Rama nuk ka marrë asnjë veprim ndaj informimit që Ministri i LSI-së Z. Haxhinasto i bëri në Mars 2016-ën, me anë të një letre zyrtare mbi problematikat me firmën Greke në rrugën Tiranë-Elbasan”- thuhet ne reagimin e LSI-se.

DEKLARATË ZYRTARE E LËVIZJES SOCIALISTE PËR INTEGRIM

Në tentativën e radhës për të hedhur baltë ndaj LSI, Belinda Balluku e urdhëruar nga Edi Rama ka nxjerrë një deklaratë dezinformuese ndaj LSI-së.

Për të informuar Ministrinë e Infrastrukturës dhe Fugën që përgatit Deklaratat e Ministrive të Rilindjes, iu bëjmë me dije se para se të përmendni emrin e LSI duhet të thërrisni që t’iu sqarojnë:

Znj. Eridana Çano ish Zv Drejtore e Kabinetit të Kryeministrit të Rilindjes Edi Rama. Personi i ngarkuar nga Rama për ndjekjen e mbarëvajtjes së këtij projekti dhe komunikimin me ARRSH, Ministrinë dhe firmën greke AKTOR.

Z. Arben Ahmetaj, ish Ministër i Financave dhe personi që firmoste dhe aprovonte buxhetet, shpronësimet dhe rimbursimin e TVSH-së. Arbitrazhi është humbur pikërisht për mosrimbursimin e TVSH-së dhe shpronësimeve.

Z. Afrim Qendron, që ishte kryetari i Këshillit Teknik dhe ishte ai që miratonte çdo ndryshim projekti që kishte efekt në buxhet.

Dhe si mund të evitoni Taulant Ballën nga marrja në pyetje, që jo vetëm përdori kunatin dhe motrën për lëvizjen e parave por edhe listën e njerëzve që punësonte në Elbasan.

Cila është lidhja e Kristlen Kerrit me Taulantin?

Së fundmi, i bëjmë thirrje Prokurorisë, të zbulojë pse janë zhdukur e-mailet e komunikimit mes Eridana Çano-s dhe drejtuesve të njësisë së menaxhimit të projektit Z. Aksel Gjurduka dhe Z. Albens Alite?

Përpara se Znj. Balluku të bëjë deklarata inati ndaj Damian Gjiknurit, e këshillojmë që të shikojë letrat mirë. Meqënëse është dhe ish-studente e Fakultetit Juridik Tiranë.

Ankesa e firmës Greke AKTOR ka ardhur në ARRSH, një javë pasi Dashamir Xhika ka dhënë dorëheqjen. Trajtimi i këtyre ankesave duhet të ishte marrë në konsideratë nga Damian Gjiknuri dhe Afrim Qëndro.

Kur LSI qenka kaq e rëndësishme, përse firma Greke ka nisur gjyqin me qeverinë shqiptare në 2019-ën, 2 vite pasi LSI ishte në opozitë dhe pse kryeministri Rama nuk ka marrë asnjë veprim ndaj informimit që Ministri i LSI-së Z. Haxhinasto i bëri në Mars 2016-ën, me anë të një letre zyrtare mbi problematikat me firmën Greke në rrugën Tiranë-Elbasan.

Kaq për momentin…

LETRA E HAXHINASTOS

Letra e Haxhinastos-per-Ramen-rruga-Elbasanit-Aktor- (4) Letra e Haxhinastos-per-Ramen-rruga-Elbasanit-Aktor- (3) Letra e Haxhinastos-per-Ramen-rruga-Elbasanit-Aktor- (2) Letra e Haxhinastos-per-Ramen-rruga-Elbasanit-Aktor- (1)

NDIQE LIVE "PANORAMA TV" © Panorama.al

Te lidhura