18-vjeçari i armatosur i cili vrau nëntë persona në ngjarjen e ndodhur në Mynih këtë të premte ka kaluar më shumë se një vit në planifikimin e sulmit, ku gjatë kësaj kohe bleu dhe një pistoletë në një faqe interneti.
Hetuesit gjermanë thonë se Ali Sonboly e kishte vizituar skenën ku ndodhi një sulm me armë në një shkollë në Winneden. Kjo është një tjetër e dhënë se adoleshenti ishte i fiksuar pas “vrasjeve masive”.
Gjithashtu, hetuesit gjetën në kompjuterin e tij foto të Andres Breivik, i cili vrau 77 person në Norvegji në vitin 2011. 18-vjeccari e planifikoi sulmin me rastin e 5-vjetorit të ngjarjes në Norvegji duke përdorur të njëjtën pistoletë si Breivik një “Glock” me 17 plumba.
Autoritetet thonë se autori kishte shkruar dhe një manifest para sulmit, por nuk kanë zbuluar ndonjë detaj mbi përmbajtjen. Ai u identifikua nga babai i tij pasi njohu të birin nga videot që po qarkullonin në rrjetet sociale.
NDIQE LIVE "PANORAMA TV" © Panorama.al
