“Kosova është Serbi” janë thirrjet që dëgjohen teksa autobusë nga Serbia janë ndalur në Gazimestan.
Ndërkohë qytetarët e mbledhur tani kanë nisur edhe këndimin e këngëve nacionaliste serbe për Kosovën ndërkohë edhe kanë shpalosur pankartën “Kosova është Serbi”.
Gazimestan është vendi ku serbët festojnë Vidovdan, që përkon me 621 vjetorin e Betejës së Kosovës.
Nderkohe, Policia e Kosovës ka paralajmëruar se do të ndërmarrë veprime të menjëhershme, në rast të provokimeve gjatë shënimit të Ditës së Shën Vidit në Kosovë, përfshirë edhe bartjen e bluzave ose fanellave që mund të nxisin provokime.
Paralajmërimet vijnë në ditën kur në Gazimestan, disa kilometra në veri të Prishtinës, pritet shënimi i manifestimit që ndër serbët e Kosovës njihet si Vidovdan.
NDIQE LIVE "PANORAMA TV" © Panorama.al
