Aurela Gaçe ka fituar për të dytin vit radhazi çmimin e parë të festivalit “Kënga Magjike”.
Endri Prifti në vend të dytë i cili ia dedikoi çmimin bashkëshortes së vëllait të tij. Juliana Pasha u rendit në vend të tretë.
Ende pa mbaruar votimi Aurela ka dalë në skenë, e emocionuar dhe euforike, teksa nuk i kanë munguar batuat për të cilat shquhet këngëtarja vlonjate.
“Jo mua tani më vjen turp, me të vërtetë nuk vij më, apo të vij vitin tjetër?”, ishin fjalët e para të Aurelës, teksa Juliana Pasha i tha: Aurela prit se jam unë tani”.
Teksa mori fjalën Aurela falenderoi kolegët që e votuan sërish edhe këtë vit.
“Tani si u bë kjo punë, kur u ndanë këto na ranë. Unë ju betohem se nuk do rresht kurrë së dhëni atë që kam në shpirt. Falenderoj të gjithë ju që vetë më votuat”,- tha Aurela duke shkaktuar të qeshura në sallë.
Ajo ka zbuluar edhe një sekret të vogël kur tha se gjatë performancës së saj më herët, kishte gabuar. “E pranoj, jam njeri me gabime” u shpreh Aurela.
DISA NGA CMIMET
Cmimi Cesk Zadeja- Mateus Frroku
Cmimi i TV Klan- Mariza Ikonomi dhe Klea
Cmimi Telekom Albania- Renis Gjoka
Cmimi Artisti i ri me i mire- Lindi Islami dhe Venera Lumani
Cmimi Artisti me i mire ne internet- Flori Mumajesi
Cmimi Diskografik- Stine
Cmimi i Interpretimit- Aurela Gace
Cmimi i Kritikës- Arbërie Hadërgjonaj
Cmimi Vokali me i mire- Juliana pasha
NDIQE LIVE "PANORAMA TV" © Panorama.al