Kryeministri i Greqisë, Kyriakos Mitsotakis një deklaratë për mediat ka folur për pandeminë dhe masat shtesë që do të merren për mbrojtjen e shëndetit publik.
Mediat greke shkruajnë se Mitsotakis njoftoi mylljen e Athinës njësoj si në mars dhe zbatimi i ketij vendimi do te nise qe nga dita e enjte deri ne 28 shkur, ku edhe do te rishikohet serish pas kesaj date.
Në masat e reja që do të ndërmerren përfshihet edhe mbyllja e shkollave, mbyllja e të gjitha aktiviteteve te shitjes me pakicë. Në të njëjtën kohë, kishat do të qëndrojnë të mbyllura për dy javët e ardhshme.
Mitsotakis theksoi se Greqia deri më tani i ka rezistuar në mënyrë efektive valës së tretë të koronavirusit , duke zgjedhur masa qe japin efekt te menjhershem, me qëllim që “të jetë gjithmonë një hap përpara virusit” .
“Sot, megjithatë, rreziku po rishfaqet,” shtoi kryeministri, duke përmendur dy faktorë shqetësues: rritjen e shtrimeve në spital në Athine dhe mutacionet qe po peson virusi, që duket se përshpejtojnë transmetueshmërinë e tij.
“Ne e dimë që nga Prilli do të jemi shumë më mirë. Por tani duhet të parandalojmë rrezikun! Bazuar në të dhënat e reja, unë marr përgjegjësinë për masat shtesë për mbrojtjen e shëndetit publik. Kështu, nga pasnesër, e Enjte, deri më 28 Shkurt, do të ketë masa shtrënguese të shtuara në Athine. Kjo do të thotë që mbyllen të gjitha format e shitjes me pakicë dhe tani e tutje të gjitha nivelet e arsimit do të funksionojnë në distancë . Përveç trajtimit të veçantë që do të vazhdojë me praninë fizike. Masat e reja do të specifikohen më tej nesër nga ata që janë përgjegjës”, tha kryeministri.
Qëllimi, shtoi ai, ishte goditja e shpërthimeve të COVID-19 para se ato të përhapeshin, duke zvogëluar lëvizjen e përgjithshme, si dhe ti jepet kohe sistemit shëndetësor, pasi vaksinimet do të vazhdojnë shpejt.
NDIQE LIVE "PANORAMA TV" © Panorama.al
