Asnjë humbje jete nga koronavirusi, por rriten rastet. Ministria e Shëndetësisë publikon shifrat: Ja si paraqitet situata

Ministria e Shëndetësisë raporton se 24 orët e fundit nuk është regjistruar asnjë humbje jete nga koronavirusi. Ndërkohë nga testimi i 1240 kanë rezultuar pozitive 79, ndërsa janë shëruar 30 paciente.

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

“Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar.

MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.

Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127”, thuhet ne njoftim.

SITUATA NE 24 ORE

Ju informojmë për situatën në 24 orët e fundit, si vijon: Janë kryer 1240 testime, nga të cilat kanë rezultuar pozitivë me COVID19, 79 qytetarë, në këto bashki:

36 në Tiranë, 15 në Fier, nga 4 qytetarë në Vlorë, Lushnje, nga 2 qytetarë në Shkodër, Lezhë, Patos, Selenicë, Libohovë, nga 1 qytetar në Peqin, Cerrik, Kolonjë, Pogradec, Tepelenë, Sarandë, Delvinë, Himarë, Mallakastër, Durrës.

Janë 370 pacientë aktivë me COVID-19 në të gjithë vendin.

Aktualisht në spitalin COVID3 po marrin trajtim 8 pacientë. Në 24 orët e fundit nuk ka asnjë humbje jete me Sars-Cov2.

Janë shëruar 30 qytetarë gjatë 24 orëve të fundit, duke e çuar numrin e të shëruarve në 270,819 që nga fillimi i epidemisë.

Statistika (21 Prill 2022)

Raste të reja ditore          79

Të shëruar në 24 orë        30

Të shtruar në spitale         8

Humbje jete në 24 orë      0

Testime ditore                 1240

Testime totale               1,797,032

Raste pozitive                  274,685

Raste të shëruara             270,819

Raste Aktive                         370

Humbje jete                        3,496

Shpërndarja gjeografike e rasteve aktive sipas qarqeve:

Tiranë           216

Fier                 49

Vlorë               31

Korçë              16

Berat               14

Shkodër          13

Elbasan           11

Gjirokastër      9

Kukës               4

Durrës              4

Lezhë                 3

NDIQE LIVE "PANORAMA TV" © Panorama.al