“Asnjë debat për vaksinat dhe kufizimet”, Vasili: Rama bazohet në një Komitet Politik Ekspertësh që i binden. Faturat e antishkencës do i vuajë…

Jul 20, 2021 | 14:01
SHPËRNDAJE

petrit vasili 26 prill

Nënkryetari i LSI-së, Petrit Vasili ka bërë një paralelizëm mes studimeve apo kërkimeve shkencore që bëjnë shtetet e tjera të botës dhe Shqipërisë për koronavirusin dhe rrezikshmërinë e saj.

Përmes një postimi në Facebook, Vasili thotë se Shqipëria ka ngelur skllave e një mjekësie që nuk është parë që nga koha e mesjetës.

Sipas tij, mjekët e shkencëtarët shqiptarë janë flakur mënjëanë dhe janë sjellë mjekët politizuar të cilët i binden kryeministrit.

Numri dy i LSI-së thotë se qeveria i ka mbyllur të gjitha mundësitë për të debatuar për vaksinat, kufizimet e nevojshme dhe në vend të shkencëtarëve ka vendosur një Komitet të Politizuar Ekspertësh.

“Faturen e antishkences per fat te keq e paguajne shqiptaret jo vetem me vdekje, por edhe me pasojat afatgjata shendetesore postCovid. Pandemia deri tani ka treguar realisht pasoja katastrofike ne cdo plan duke filluar nga ai shendetesor e deri tek ai social ekonomik. Shqiptaret nuk jane skllever shendetesore te qeverise se rilindjes dhe te Rames” – shkruan Vasili.

Postimi i plotë i Petrit Vasilit:

Shqiptaret si skllever shendetesore te mesjetes antishkence te rilindjes ! Gjithmone e me shume Pandemia paraqet zhvillime te befta e te papritura, te cilat kerkojne kualitet te larte shkencor interpretimi e veprimi pasues.

Pranimi nga Kina se Virusi ka dale nga laboratori krijon skenare, te cileve vetem profesionistet shkencore mund tu japin pergjigje dhe ketu s’ka vend as per politike dhe as per kompromis.

Syte jane drejtuar teresisht tek shkenca dhe mjeksia ne teresi, por tek epidemiologjia, virologjia dhe infektivologjia ne veçanti. Interpretimet objektive shkencore ju prijne veprimeve konkrete me dobi per shendetin e njerezve, por edhe kursejne sakrifica te kota e te panevojshme ekonomiko sociale, qe sjellin pandemi varferie dhe tensioni shoqeror krejt te evitueshem.

E gjithe bota i eshte nenshtruar natyrshem vleresimit shkencor mjeksor qofte ky i hidhur apo i embel, pasi objektiviteti shkencor nuk zgjedh shijen, por vetem e objektivizon dhe e vë ne tavolinen e vendimarrjes. Mjerisht ne Shqiperi ka ndodhur e kunderta.

Mendimi shkencor eshte flakur menjane dhe sharlatanizmi politik i rilindjes pret e shqyen duke krijuar nje mesjete shkencore mjeksore, qe nuk eshte pare kurre. Profesionistet stigmatizohen dhe ofendohen nga vete kryeministri kur nuk mbeshtesin budalleqet e tij. Debati mes profesionisteve ka vdekur.

Shkencetaret i kane klasifikuar ne menyre mesjetare ne se jane pro apo kunder rilindjes. Masat merren sipas oreksit psiqik dhe politik te kryeministrit ndaj kane qene paradoksale, jo efikase dhe me qellim te vetem fshehjen e realitetit dhe te vertetes. Asnje debat per vaksinat dhe llojet e tyre, asnje debat per llojet e mbylljes, asnje debat per azhurnimin e protokolleve mjeksore bazuar ne evidence, asnje debat per imunitetin e tufes, asnje debat per strategjine lidhur me çfaqjen e variantit Delta.

Eshte nje kurajo vrastare te bazohesh mbi nje Komitet Politik Ekspertesh te mbyllur, te paditur dhe me nje peshe shkencore te paperfillshme,qe funksionon jo sipas nje axhende mjeksore skrupuloze dhe te qarte,por eshte thjesht nje apediks i axhendes propagandistike te kryeministrit.

Faturen e antishkences per fat te keq e paguajne shqiptaret jo vetem me vdekje, por edhe me pasojat afatgjata shendetesore postCovid. Pandemia deri tani ka treguar realisht pasoja katastrofike ne cdo plan duke filluar nga ai shendetesor e deri tek ai social ekonomik. Shqiptaret nuk jane skllever shendetesore te qeverise se rilindjes dhe te Rames.

Shqiptaret meritojne shume me shume pasi jetojne ne nje kontinent ku nivelet shkencore jane nga me te lartat e globit dhe ku mund te perfitojme prej tyre shume. Shqiperia ka mjaft profesioniste shume te afte dhe te edukuar brenda e jashte vendit qe me objektivitetin e dijeve te tyre te formesojne nje qendrim rrenjesisht te ri. Ndaj duhet te ndryshoje rrenjesisht administrimi shkencor i Pandemise se Covid ne Shqiperi sepse beteja nuk ka mbaruar dhe fatura e antishkences rilindase mund te jete shume e rende edhe ne muajt qe vijne.

NDIQE LIVE "PANORAMA TV" © Panorama.al

Te lidhura