Prokuroria e Korçës ka përfunduar hetimet dhe ka dërguar për gjykim dosjen në ngarkim të 37-vjeçarit Rudolf Merolli, i cili dy muaj më parë u akuzua nga vajza e tij për ngacmim seksual.
Gjatë kryerjes së hetimeve, Merolli nuk ka pranuar akuzën, duke deklaruar se natën kur edhe akuzohet se ndodhi ngjarja, kishte konsumuar lëndë narkotike dhe nuk mbante mend asgjë.
Në muajin shtator pritet të fillojë gjykimi në Gjykatën e Shkallës së Parë për 37- vjeçarin.
Më 16 maj Gjykata e Korçës vendosi “arrest me burg” për Rudolf Merollin, ndërkohë që avokati i tij kërkoi një masë më të butë dhe tha se prokuroria duhet të thellohet më shumë në hetime.
Po ashtu, në seancën në fjalë mbrojtja kërkoi që për të akuzuarin dhe vajzën e tij të bëhen ekzaminimet dhe analizat përkatëse, për të vërtetuar nëse kanë konsumuar ose jo lëndë narkotike.
DENONCIMI
Vajza e ka denoncuar të atin, teksa ky i fundit më pas është vënë në prangat e Policisë. 18-vjeçarja e ka regjistruar momentin e rëndë kur babai i saj i kërkon të kryejnë marrëdhënie seksuale, audio të cilat i ka dorëzuar në Polici.
Në disa episode, edhe pse vajza thotë vazhdimisht se “më ke evlat, jam gjaku yt”, 37-vjeçari i thotë se nuk është problem, pasi askush nuk do ta marrë vesh. Vajza jeton me nënën te gjyshja e saj në Korçë, pasi prindërit janë të divorcuar dhe kanë një vit që jetojnë të ndarë.
Nëna e vajzës, në një intervistë për mediat kohën e denoncimit të rastit, është shprehur se Rudolf Merolli është dënuar dy herë më parë, ka qëndruar në burg shumicën e kohës dhe se është përdorues i vazhdueshëm i hashashit.
Sipas saj, pasi doli nga burgu ishte afruar shumë me vajzën, por ajo normalisht mendonte se ishte sjellje baba e bijë dhe jo se donte të kishte një marrëdhënie krejt tjetër.
“Kohët e fundit ai është treguar më i afërt me vajzën, por mendoja që e ka fëmijë. Kërkoj që ai të marrë atë që meriton, frika është se nuk i dihet, mund të më vrasë edhe vajzën, i druhem shumë. Nëse shteti nuk i jep masën e dënimit atij njeriu, mos me thënë “plehrë”, unë do t’ia jap vetë. Unë edhe mund ta qaja vajzën, sepse ai do ta përdhunonte e do ta vriste”, ka thënë ajo. Po ashtu, ajo është shprehur se ndihet shumë e frikësuar, pasi ai e kishte dhunuar më parë atë e fëmijët dhe se nëse nuk i jepet një dënim, atëherë do t’ia japë vetë me duart e saj.
“O të më vrasë, o do ta vras, se frika është shumë e madhe për mua, s’mund të lejoj të më vrasë fëmijën se nga ai çfarë nuk mund të presësh”, ka thënë nëna e vajzës në dëshminë prekëse.
NDIQE LIVE "PANORAMA TV" © Panorama.al
