Një shtetas italian është arrestuar nga Policia e Durrësit, pasi është kapur me një sasi kokaine dhe kanabisi sativa.
Sipas njoftimit të Policisë, shtetasi italian, Alessio Leggiadro 37 vjeç, banues në Pistoia të Italisë u arrestua pasi në çantën e të dashurës së tij, A.T. 32 vjeçe nga Kavaja u gjet një sasi kokaine dhe kanabisi.
Italiani ka thënë se droga ishte e tij.
NJOFTIMI I POLICISE
Specialistët e Seksionit për Hetimin e Narkotikëve në Drejtorinë Vendore të Policisë Durrës, në vijim të zbatimit të planit të masave dhe ngritjes së pikave të kontrollit gjatë fundjavës me qëllim rritjen e sigurisë së qytetarëve dhe vënien para përgjegjësisë të personave që posedojnë lëndë narkotike, kanë arrestuar në flagrancë shtetasin:
- Alessio Leggiadro 37 vjeç, banues ne Pistoia Itali.
Arrestimi i ti u bë pasi:
Në lagjen Nr. 1, Durrës u ushtrua kontroll në automjetin tip Audi me targa AA 625 MT, me drejtues shtetasin D.T. 20 vjeç, banues në Kavajë, dhe pasagjere i arrestuari dhe e fejuara e tij, shtetësia A.T. 32 vjeçe, banuese në Kavajë.
Në çantën e dorës së shtetases A.T. i’u gjet dhe u sekuestrua në cilësinë e provës materiale:
- një sasi lëndë narkotike e dyshuar e llojit Kokainë.
Shtetasi Italian deklaroi se e kishte futur ai në çantën e të fejuares, shtetases A.T.
Në vijim të zbatimit të planit të masave, filloi procedimi penal në gjendje të lirë në ngarkim të shtetasit:
- R.K. 24 vjeç, banues në Kavajë.
Në lagjen Nr.1, Durrës, rreth orës 03:00, gjatë kontrollit të ushtruar në automjetin tip Ford me targa BY 941 ZË, me drejtues shtetasin e mësipërm, poshtë sediles së mjetit u gjet dhe u sekuestrua në cilësinë e provës materiale një sasi lënde narkotike e dyshuar e llojit Cannabis Sattiva.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Prodhimi dhe shitja e narkotikëve”parashikuar në nenin 283/1 të Kodit Penal.
NDIQE LIVE "PANORAMA TV" © Panorama.al