EULEX ka arrestuar ish-shefin i inteligjencës së FSK-së. Këtë e konfirmon edhe Gjykata Speciale, e cila bën të ditur se Salih Mustafa, ish-shefi i inteligjencës së FSK-së, është i arrestuari i parë, ndaj të cilit është konfirmuar aktakuza.
Salih Mustafa u arrestua sot në Kosovë nga Zyra e Prokurorit të Specializuar në bazë të një fletarrestimi, urdhri për transferim dhe aktakuzës së konfirmuar, të lëshuara nga një gjykatës i procedurës paraprake i Dhomave të Specializuara të Kosovës, raportojnë mediat në Kosovë.
Mustafa po transferohet në objektin e paraburgimit të Dhomave të Specializuara të Kosovës në Hagë dhe do të dalë para gjykatësit të procedurës paraprake pa vonesë të papërligjur.
NDIQE LIVE "PANORAMA TV" © Panorama.al
