Policia kufitare e Muriqanit ka arrestuar një 23-vjeçar, pasi në automjetin e tij iu gjetën 21 pako me kanabis.
Policia bën me dije se në pranga u vu Eldi Aldisha, 23-vjeç, banues në Tiranë.
Sipas saj, në automjetin me targa AA 689 JD që drejtohej nga Aldisha, ka konstatuar në depozitën e gazit të kondicionerit disa pako me kanabis të mbështjella me natriban.
Në vendngjarje ka mbërritur grupi hetimor dhe Specialistët e Seksionit Kundër Narkotikëve ku gjatë kontrollit të imtësishëm rezultoi se në brendësi të bombulës së gazit ishin 21 pako, gjithsej 15 kg e 373 gr kanabis.
Materialet i kaluan Prokurorisë Shkodër për veprën penale “Trafikimi i narkotikëve”, parashikuar nga neni 283/a i Kodit Penal.
NDIQE LIVE "PANORAMA TV" © Panorama.al
