Ish-emisari i SHBA-së për dialogun Kosovë-Serbi, Richard Grenell ka kritikuar vendimin e qeverisë në Prishtinë për të arrestuar dhe shpallur non-grata gazetaren ruse Daria Aslamova me pretendimin se është spiune.
Në një reagim në Twitter, Grenell e ka konsideruar këtë një precedent të tmerrshëm. Sipas tij, pass vendimit të Prishtinës për të ndaluar hyrjen e qytetarëve pro rusë, edhe shtete të tjera mund të ndalojnë zyrtarë kosovarë të hyjnë në vendin e tyre.
“Ndërsa ju keni çdo të drejtë të dëboni individë pro-rusë (ose këdo) që nuk ju pëlqen, po krijoni gjithashtu një precedent për qeveritë e tjera që t’i ndalojnë zyrtarët e Kosovës që nuk i pëlqejnë…. Është një precedent i tmerrshëm”, shkroi Grenell.
“Po kështu është edhe refuzimi i afisheve serbe në targa”, shtoi ai, duke rikonfirmuar qëndrimin e tij kundër çdo lloj mase reciprociteti me Serbinë që Kosova synon ta vendosë.
Më herët, Ministri i Brendshëm, Xhelal Sveçla kishte shkruar se arrestimi i Aslamovës, të cilën sot njoftoi se e ka shpallur “non grata” duke ia ndaluar hyrjen në Kosovë për 5 vjet – është “ndërhyrjes së Rusisë në veri të Kosovës”.
NDIQE LIVE "PANORAMA TV" © Panorama.alWhile you have every right to kick out pro-Russian individuals (or anyone) you don’t like, you are also creating a precedent for other governments to ban Kosovo officials they don’t like….
It’s a terrible precedent.
And so is rejecting Serbian stickers on license plates. https://t.co/PqwJXeVtqO
— Richard Grenell (@RichardGrenell) August 7, 2022