“Arkitekti” i fitores me Izraelin, De Biazi në Tiranë, por shtyn vizitën me Kombëtaren

SHPËRNDAJE

Ashtu siç kishte paralajmëruar dje “Panorama Sport”, ka mbërritur në Shqipëri për të qenë afër Kombëtares në ndeshjen ndaj Izraelit ish-trajneri kuqezi, Xhani De Biazi. Ky i fundit pritej që gjatë së mërkurës pasdite të bënte një vizitë edhe në rezidencën e Kombëtares në Durrës, por në momentet e fundit ndryshoi axhendën.

panuci de biazi

Sipas të gjitha gjasave, takimi i De Biazit me trajnerin Panuçi dhe futbollistët do të bëhet sot në stërvitjen e fundit në stadium, në prag të takimit me Izraelin. De Biazi ka se çfarë t’u thotë lojtarëve që ka drejtuar, e për më tepër Panuçit, pasi e ka thyer Izraelin 0-3 në eliminatoret e fundit.

Si për ironi, Panuçi i zuri vendin menjëherë pas asaj fitoreje të thellë të kuqezinjve në transfertë, nga ku De Biazi dha dorëheqjen. Nesër kuqezinjtë do të luajnë me Izraelin për Ligën e Kombeve.

 

Te lidhura

 

Artikulli paraprak“Electricity”, Dua Lipa shfaq versionin e saj seksi në këngën e re (VIDEO)
Artikulli tjetërMos gaboni më, ja pse nuk duhet të pini ujë kur hani ëmbëlsira!

S'KA KOMENTE

Comments are closed.