Aksidentet rrugore janë shqetësimi më i madh për policinë shqiptare. Drejtuesi i Policisë së Shtetit, Ardi Veliu nga konferenca e Ministrisë së Brendshme ku po bëhën propozime për ndyshimin e Kodit Rrugor, ka treguar cilat janë disa nga njollat e zeza në rrugë që kanë sjellë pasoja fatale për jetët e njerëzve.
Rrethrrotullimin pranë qendrës tregtare në rrugën që të çon në Elbasan vetëm në 3 muaj ka pasur 7 aksidente me pasoja fatale.
Po ashtu edhe rrethrrotullimi i Kolonjës në 2 muaj ka pasur 5 aksidente me pasoja fatale.
Sipas Veliut, numri më i madh i aksidenteve ndodhin ditën e hënë, 283, të premten 230 dhe 214 të dielën.
Ndërsa për orarin kur ndodhin më shumë aksidente, Veliu tha se janë oraret kur qytetarët nxitojnë të kapin orarin e punës apo kur dalin prej saj.
“Janë oraret 8 me 12 dhe 14:17 ku koicidon dhe me largimin nga puna e shoferëve”.
Ndërkaq, ministrja e Infrastrukturës dhe Energjisë, Belinda Balluku, bëri një vërejtje kur nisi fjalën:
‘Shoh që jam e vetmja femër në këtë takim, duhet të respektojmë barazinë gjinore edhe në këtë nivel’.
Ministri Sandër Lleshaj në fillim të fjalës së tij iu përgjigj ‘vërejtjes’ së ministres: Lidhur me atë vërejtjen fillestare, për balancimin e gjinisë, përfqësimin e balancuar i cili sot është i çbalancuar megjithese ju përfaqësoni më shumë se një.
Ministrja Balluku, ndërsa vuri theksin tek domosdoshmëria e të pasurit vëmendje nga të gjithë përdoruesit e rrugës, si shoferë dhe këmbësore, tha:
“Nuk e kam kuptuar kurrë për cfarë u duhet sinjalistika, por rrugët përfundojnë pa ndricimet fosforeshente dhe tabelat orientuese”.
