Arabia Saudite ka nisur një sulm ushtarak në Jemen kundër militantëve të mbështetur shiitët Houthi, ka bërë të ditur ambasadori i Arabisë Saudite në Shtetet e Bashkuara, raporton BBC.
Adel al-Jubeir tha se Arabia Saudite ka nisur veprimet ushtarake për të “mbrojtur qeverinë legjitime” të Presidentit Abdrabbuh Mansour Hadi.
Rebelët e mbështetur nga Irani kanë marrë nën kontroll kryeqytetin Sanaa që prej shtatorit.
Ata pushtuan qytetin qendror të Taizit gjatë fundjavës, duke u afruar me bazën e re jugore të presidentit jemenas, të mbështetur nga Shtetet e Bashkuara, Abd-Rabbu Mansour Hadi.
Ambasadori saudit në SHBA tha se Arabia Saudite do të bëjë gjithçka të nevojshme për të mbrojtur popullin e Jemenit dhe qeverinë legjitime të Jemenit.
Dje, mediat ndërkombëtare shkruajtën se Presidenti i Jemenit është larguar nga Pallati Presidencial në Aden, pasi rebelët avancuan drejt portit jugor. Por zyrtarët vendas mohun largimin e presidentit nga vendi.
NDIQE LIVE "PANORAMA TV" © Panorama.al
