Kryetari i Këshillit të Ministrave të Bosnje dhe Hercegovinës, Denis Zvizdiq gjatë vizitës së tij në Gjermani u takua me kancelaren Angela Merkel dhe pas takimit të tij ai bëri të ditur se të gjitha vendet e Ballkanit Perëndimor kanë perspektivë dhe mbështetje nga shteti i Gjermanisë.
Kancelarja Merkel tha se ka tendenca të caktuara në Ballkanin Perëndimor dhe se po flitet për rivendosje të kufijve, gjë e cila, sipas mendimit të saj nuk mund të bëhet.
“Ekziston një perspektivë evropiane për të gjitha vendet e Ballkanit Perëndimor. Bosnja dhe Hercegovina përpiqet të bashkohet me Bashkimin Evropian, prandaj është dashur që t’i përgjigjet qindra pyetjeve dhe ne kemi inkurajuar qeverinë që të përgjigjët në këto pyetje shtesë,” citohet Merkel nga “REL”.
Merkel gjithashtu bëri të ditur se prioritet është anëtarësimi i Bosnje dhe Hercegovinës në NATO.
Deklarata e kancelares gjermane vjen në një kohë kur në opinionin publik shqiptar, një ndryshim i mundshëm i kufijve mes Kosovës dhe Serbisë, është një nga temat më të diskutuara.
PANORAMA
NDIQE LIVE "PANORAMA TV" © Panorama.al
