Analiza satirike/ Gjekmarkaj: Si e takova Ditmirin në qilarin e një lokali në Babrru, më pyeti për Damianin, shoqen Etildë e teze Mirelën. Porosia për Bashën meqë kam dalë kundër Doktorit

Oct 31, 2021 | 18:45
SHPËRNDAJE

NGA AGRON GJEKMARKAJ

agron gjekmarkaj1Siç fotografia e tregon u poqëm me Ditmirin! Letrës nuk ju përgjigj, por erdhi vetë përmes shumë mundimesh! Me një të njohur më la takim në Babërru me lutjen për mirëkuptim! Atje ku tha shkova! Prit e prit e dikur shoh një mesoburrë të veshur me kominoshe plot njolla vaji e një kapele Addidas që zbret nga një kamion! Hiç u zhduk !

Kur pas nja 5 minutash më bën me dorë kamerieri! E ndoqa nga pas drejt një qilari aty ishte Ditmiri që sapo kishte hequr kominoshet! Po ti? E janë kohe të këqija këto Gjegji! Pa u pyetur për shëndetin te shokët e kishte mendjen! Si e kam Damianin a mbahet me shëndet se ca si i hequr ngjan nga ekrani, halle ka mbi supe ai djalë, halle dhe një si lot i shkëlqeu në cep të syrit !? Mirë më duket mua i thashë si buçko edhe mendimet i ka të rrumbullakosura! Shoqen Etildë tha e shoh gjithmonë të trishtë me kokën mbi kompjuter, fjalë pak mesa duket konspekton tezat e Taulanti gjate debatit parlamentar!! Po ai Ahmetaj si i dobësuar ngjan mos kursen si gjirokastrit e ha pak, se helbete me rroge e ruan për çilimiqërit ! E rëndësishme që me Braçen shkojnë si vëllezër se partia lyp unitet.

Po zgjatet Braçja nga pak ? E hoqën edhe si dezhurn. Zërin e ngre rrëfeva gjithnjë e më të përvajshëm e të hollë. Po Teze Mirela që kaq shumë të lëvdonte dikur e zemrën i thyeve, me atë dolloma të bukur qe kishte hedhur mbi shtat shumë po lodhet po nuk ankohet, u bë copash për këtë të uruar vatan. Të lutem shoqen Evis mos ma ngacmo se ti e di dikur të dy ti admironim satirat në fshehtësi. Për Nikon s’po te ha kohë se ai vjen herë pas here, natën e më takon gati si fshehurazi, se kuptoj pse msheftas se Rama u ka dhënë liri të sillen me dinjitet njerëzor. Kur vjen nga ministralet e NATO-s më sjell ndonjë peshqesh. Por me rroba ushtarake kamuflazhi, çudi, herë si gjeneral e herë si kapterr.

I menduar Klosi ë? Ashtu duket mbase kujton kafen me Fahron dhe teposhtën që ajo i dha shtova unë. Pyeti për të gjithë shokët e betejave dhe te idealit një nga një ! Pastaj mu kthye erdha të them se mgjs investove shumë që unë të thyhesha me liderin tonë plot ymër nuk ja dole! Vërtetë në dukje me ka ndëshkuar mu Pandin , Fatmirin , Braçen, Musanë e ngratë, Taon por vetëm në dukje është kështu! Ne tani po mendojmë ku e kemi prishur, ku vesi na ndyu virtytin e sapo ta gjejmë do bëjmë tjetër autokritike! Po jo mor burrë i thashë pa të keq e kisha se mu dhimse!

Ty të dhimset vetja që nuk ju bashkove dy nipave të Hysniut nipit të Maxhunit e djalit të xha Rrustemit për të mbrojtur të djathtën historike dhe Doktorin e Hysniut! Unë djali i Sulës e vuaj shumë mungesën në këtë front. Ne si Parti mbështesim fort kauzën e Doktorit për demokratizim se atë morëm si model dhe demokratizuam tonën!! Me Bashën si kalon? Po mirë me duket. Kujdes porositi se tani ti i duhesh i ke dalë kundër Doktorit që të kishte qejf se sapo të kalojë kjo gjë ai do mendojë ky që i prishi qejfin Doktorit të madh, mua ma prish ku e ku ndaj të jep të shtyrën.

Po jo mor burrë mos u shqetëso s’me paske njohur fare -jetoj me përkohësinë e gjërave siç erdha ik pa u zvarritur !! Unë mendoj me kokën time! Ngjan ashtu, edhe vetë kujtoja se mendoja ne kokën time sa herë flisja dhe Ramës i pëlqenin. Me kokën e tij kisha menduar. Po jooo insistova! Ashtu thua por e kam provuar ne kurriz , a më ke parë 6 vjet mish e thua me Ramën kur befas për fajin tim që të ndreqem më hoq. Si ndihesh pyeti si vartës i Bardhit , Gridës, Rushajt, Alibeut , Tabakut !! Mirë shumë si në gji të Krishtit, por ata janë Kardinalë unë si imzot Doçi, një shkallë më poshtë-Abat por “Abat nulius” me varësi vetëm nga Papa dmth nga Basha.

Po shoqja Blerinë se desh harrova qysh i ka punët e dertet, a i shënon ato që thotë Elisa për ti lexuar në shtëpi? E shoh që shkruan i thashë po kushedi çfarë ! Ato ato shënon mu përgjigj thatë se e ka shume përzemer !!! Po si nuk po më pyet për shoqen Xhaçka i thashë ministren e jashtme? Po pse tha nuk është Genti ende ministër, se pas meje të gjithë gentër me duken psherëtiu. Se ngava më shumë!

Do flasim për gjera serioze tha tani? Po he flasim!

Do ta bëjmë atë bashkëqeverisjen ? Ke mandat për këtë temë? Po mo tha më ka dërguar Rama. Po pse na solle në Babrru? Më mirë të duket si takim sekret që të veshet me mister. Po je pajtuar aq sa të të këtë të besuar për këto gjera! Ta thashë se je shumë paragjykues Rama e ka zemrën e madhe, ne gabojmë ai jo, ne urrejmë ai jo. Po mirë kthehemi tek tema! Pranoj të bisedojmë me kusht që Ulsiun, Muzhaqin dhe Elisën se njeh edhe kanunin të mos i preke asgjë. Vendet e tyre të ruhen në qeveri. E ke nga vetja apo nga Basha këtë pyeti? Partia jonë ka nderim për këta tre personalitete se edhe ne i kemi ca të tillë.

Një flesh u ndez diku, me gjase kamerieri na fotografoi, kjo është historia! U ngrit u mbështoll me kominoshe, rrasi kapelen mbi krye, ndezi kamionin e drejt për në Surrel!

*Ky artikull është ekskluzivisht për “Panorama.al’. Riprodhimi i tij nga media të tjera në mënyrë të pjesshme ose të plotë pa lejen e kompanisë dhe pavendosur hiperlinkun e artikullit origjinal do të ndiqet në rrugë ligjore.

NDIQE LIVE "PANORAMA TV" © Panorama.al

Te lidhura