ANALIZA/ “Prej Ramës humbet Shqipëria, Maqedonia dhe Zaev”- Gjekmarkaj: Si mund t’i besojë Europa kur sheh ministër të Jashtëm një çiripup që…

Oct 18, 2019 | 15:42
SHPËRNDAJE

gjekmarkajNGA AGRON GJEKMARKAJ

Paradokset si mallkim ciklik rrotullohen mbi hapësirën shqiptare! Më i fundit është edhe me i trishti! Ai lë një boshllëk krejt si fikja e një ëndrre të dashur e madhore! Shqipëria përsëri e përsëri jashtë Evropës! Delja e zezë e saj, e përfolura, e refuzuara me përçmim! Ndonëse shqiptaret bashkëjetojnë lehtë me gënjeshtrën ngarkuar mbi shpinë me qindra halle mbase kesaj herë do ta kuptojnë që prej kater vitesh Kryeministri vetëm i gënjen për integrimin !

Njëherë u thotë do të hapen vitin tjetër, tjeter here ja u hapen po ju se kuptoni dhe së fundi dielli lind perseri me 19 Tetor! Qekur është krijuar rruzullimi dielli ka lindur e perenduar por dielli i Europes duket se fort po shndrit e pak po nxeh mbi kete toke! Nuk është Europa në Krizë siç thotë Edi Rama dhe karvani i tij pafytyrësive! Nuk është Europa në krizë siç thonë media dhe shërbëtoret e qeverisë në to por është Shqipëria në krizë të thellë pasojë e një qeverisjeje katastrofike! Asgjë Europiane nuk ka në këtë shtet biçimesh e zuzaresh politik! Të tille ka drejtësinë, antikorrupsionin, politiken, arsimin, shëndetësinë, ekonomine, rendin publik, kulturen nese duam???

Çfarë do i duhej Shqiperia keshtu Europes? Nuk është europiane të bësh zgjedhje moniste dhe ti vjedhësh ato, nuk është europiane të transferosh pasurinë kombëtare në duar klientësh, nuk është europiane që banaliteti të sundojë mbi elitat, nuk është aspak e tille që surratqerepet, shakllabanet, fytyrëshollet, matrahulet, kriminelet te zënë paralamentin dhe bashkitë, si qenka e tille të mos lesh fare sistem drejtësie vetëm polici nën urdhra të kryeministrit!? Si mundet Europa të njohë për te vetin një vend bazë e narkotrafikut?

Një vend ku të gjithë duan të ikin fakt i evidentuar qartë nga presidenti  Makron ndaj të cilit në Tiranë ka filluar një fushatë sa qesharake aq edhe e shpifur kundra si ajo ndaj deputetit gjerman Kriçbaun! Një koleg publicist me sarkazem të hidhur e ka thënë mire që me nëntë kushtet gjermane dhe qeverisë së Adil Çarçanit mund ti hapeshin negociatat! Ato kushte janë thelbi i mungeses së shtetit dhe i mungesës së politikes luajale! Si mund të ketë besim Europa kur sheh që ministër i Jashtëm është një çiripup dhe kur sheh atë grumbull banaliteti qe thirret qeveri e Shqipnisë!

Për fajin tonë më saktë të Edi Rames u penalizua edhe Maqedonia ! Europa nuk desh ti lendonte shqiptaret deri ne kufijtë e turpit dhe sakrifikoi edhe komshinjtë tanë! Duhet ta kujtojmë që ky shtet para 20 vitesh ishte në luftë , i përbërë nga disa etni dhe krahasimi më të nuk na nderon shumë! Mediat po thonë Zaevi dha dorëheqje ! Mbetet për tu parë sa i vërtete do jetë lajmi megjithëse ai një gjë të tillë e pat paralajmëruar si shenje përgjumësie ndaj vendit të tij! Rama po përgatit gënjeshtrën dhe propagandën e radhës!! Ndërkohe që në mendje ka ndonjë lajm për të tërhequr vëmendjen!

Mos hapja e negociatave është gjëja më e rëndë që i ka ndodhur Shqipërisë në këto 30 vjet pluralizem! Thirrjet intelektuale që i bëhen Rames , në emër të vendit që ai sundon për tu larguar nuk funksionojnë! As gajretet folklorike që me te tallur thonë se grupi parlamentare i PS do të mblidhet për të shkarkuar Makronin ! E nëse nuk e shkarkojnë me të paren si Metën doni drejtohen komisionit te Venecias!! Nëse shqiptaret e duan vërtete Europen kanë mundësi të testojnë veten nëpërmjet reagimit! Mos hapja e negociatave ka veç një emër keq qeverisja 7 vjeçare! Shqipëria nuk qeveriset ajo sundohet! Po kaq nëse e do Europen edhe Opozita ka mundësinë e saj! Ajo duhet të zgjohet nga pushimet “postrevolucionare” dhe të mos kërkoje largimin e Rames por ta largojë atë si përgjegjësin historik për këtë dështim me kosto për kombin!! Në mos e beftë kjo opozitë e meriton Edi Ramen si tenxherja kapakun!! Po kaq e meriton shoqëria nëse nuk reagon për ketë izolim të ri të vendit.

 *Ky artikull është ekskluzivisht për Panorama. Riprodhimi i tij nga media të tjera në mënyrë të pjesshme ose të plotë pa lejen e kompanisë do të ndiqet në rrugë ligjore. 

NDIQE LIVE "PANORAMA TV" © Panorama.al

Te lidhura