Foshnja e parë e këtij viti është një vajzë. Ajo ka ardhur në jetë vetëm pak minuta pas ndërrimit të viteve.
Foshnja e seksit femër ka ardhur në jetë rreth orës 00:05 në maternitetin ‘Mbretëresha Geraldinë’ në Tiranë.
Vajza e quajtur Ambla Shahu me peshë 3 kg e 550 gram gëzon shëndet të plotë.
Prindërit e rinj janë shprehur të gëzuar për lindjen e vajzës së tyre.
Dhurata e Veliajt
Kryetari i Bashkisë së Tiranës, Erion Veliaj, dhuron çekun për fëmijën e parë të lindur në kryeqytet.
Kryetari i Bashkisë së Tiranës, Erion Veliaj, ishte sot në Spitalin Universitar Obstetrik-Gjinekologjik “Mbretëresha Gerdalinë”, ku dorëzoi çekun e parë për vajzën e lindur pak minuta pas mesnate.
“Më vjen shumë mirë sot që në datën 1 janar i urojmë të gjithë qytetarëve të Tiranës gëzuar Vitin e Ri. Mënyra se si bashkia uron për ata që janë qytetarët më të rinj të Tiranës, bebet e reja që i shtohen komunitetit të qytetit tonë, është duke rikthyer një traditë shumë të mirë të Kryeministrit Rama në bashki, ku për çdo fëmijë hapim një llogari bankare me 50 mijë lekë”, u shpreh Veliaj.
NDIQE LIVE "PANORAMA TV" © Panorama.al
