Ambasada Amerikane paralajmëron shtetasit e vet: Shmangni protestën e 13 majit

May 9, 2017 | 18:55
SHPËRNDAJE

Ambasada Amerikane në Tiranë ka nxjerrë një njoftim për shtetasit amerikanë këtu në Tiranë për protestën e 13 majit që organizon opozita.

Ambasada-e-SHBA-e1449595157267Ambasada thotë se nuk ka të dhëna për kërcënime ndaj qytetarëve amërikanë, por megjithatë këshillon qytetarët e vet që ta shmangin atë.

“Ambasada u rikujton shtetasve amerikanë se edhe protestat paqësore mund të kthehen në konfliktuale, ndaj duhet të rishikoni planet për 13 majin”, shkruan ndër të tjera deklarata.

NJOFTIMI I PLOTE

Ambasada Amerikane në Tiranë njofton qytetarët amerikanë se një protestë e madhe politike është planifikuar të zhvillohet më 13 maj 2017, e cila nis te selia e Partisë Demokratike Shqiptare dhe përfundon para Kryeministrisë.

Qarkullimi rrugor mund të preket nga protesta. Ju lutemi që të ndiqni raportimet në media dhe të ndryshoni planet për atë ditë.

Ambasada Amerikane nuk është e shqetësuar për ndonjë kërcënim konkret ndaj qytetarëve apo interesave amerikane.

Ambasada u rikujton shtetasve amerikanë se edhe demonstratat me qëllime paqësore mund të kthehen në konfrontime.

Shmangni sheshet e protestës dhe qëndroni larg vatrave, apo tubimeve të tilla. Turma me njerëz mund të ketë në të gjitha rrugët kryesore të qytetit.

Njoftimi1Protestat në një qytet mund të prekin ose shkaktojnë protesta edhe në qytete të tjera të vendit.

Rishikoni planet tuaja; qëndroni vigjilent dhe ndiqni raportimet më të fundit në media. Sigurohuni që të ndiqni të gjitha hapat e nevojshme për sigurinë tuaj personale.

Qytetarët amerikanë duhet t’i shmangin vatrat e protestave. Edhe ato me qëllime paqësore mund të kthehen në konfrontime të dhunshme.

 

 

 

NDIQE LIVE "PANORAMA TV" © Panorama.al

Te lidhura