Një moment tronditës ka ndodhur kur një grua u zhvesh dhe vrapoi përmes një avioni Jet2 duke bërtitur “Allahu Akbar”.
Incidenti ndodhi në linjën e avionit, Qipro-Mançester, ku pasagjerja e zhveshur vetëm më sytjena shkaktoi kaos brenda avionit duke pretenduar se kishte eksploziv në bord.
Phillip O’Brien, 35 vjeç i cili ishte në avion me gjashtë anëtarë të tjerë të familjes së tij, duke përfshirë gruan dhe tre fëmijët ndërhyri menjëherë për të neutralizuar gruan.
“Kur ajo u drejtua për në kabinën e pilotit, unë mora iniciativën, e shtyva në tokë dhe në atë moment piloti bëri një ulje emergjente në Paris”, tha ai pas ngjarjes.
Para ngjarjes, gruaja u kishte thënë të rinjve me të cilët ishte nëse ishin “gati të vdisnin”, raporton The Sun.
Ajo gjithashtu u tha pasagjerëve dhe stafit të tmerruar se prindërit e saj ishin anëtarë të organizatës terroriste ISIS.
Fluturimi përfundimisht u drejtua për në aeroportin Charles De Gaulle për të zbritur gruan 30-vjeçare.
NDIQE LIVE "PANORAMA TV" © Panorama.al
