Pas ftesës për të dëshmuar në Hagë, ka dyshime që Ali Ahmeti mund të japë dorëheqje nga pozita e kryetarit të BDI-së, pasi procesi i dëshmisë dhe intervistimit nga prokurorët e dhomave të specializuara duke se do të jetë i gjatë, e me këtë rast ia pamundëson Ahmetit kryerjen e detyrave si kryetar partie.
Ahmeti pritet që në fund të këtij muaji të udhëtojë për në Hagë, ndërsa diçka konkrete sa i përket dorëheqjes do të ketë në muajin shtator.
Organet partiake si duket janë të papërgatitura për këtë situatë, dhe për të caktuar një pasues të tij në pozitën e kryetarit të partisë.
Në BDI është dëshmuar se figura e Ali Ahmetit është unifikuese dhe ka shuar çdo tentim për përçarje.
Nga burime jozyrtare përflitet edhe emri i Artan Grubit që mund të jetë u.d. kryetar i BDI-së deri në kongresin e ardhshëm partiak.
Grubi vjen nga pozita e zv/kryeministrit të parë të shtetit, që në këtë rast është pozita më e lartë që mban një shqiptar në Maqedoni të Veriut./Burimi: Gazeta Express
LEXO EDHE
Historike/ Për herë të parë shqiptarët do të kenë postin e Kryeministrit në Maqedoni, kur do votohet Qeveria e re dhe principet e saj
“Një martesë për nevojë”/ Kthesa politike prej 180 gradësh, çfarë mund të ndikojë në stabilitetin e qeverisë së Maqedonisë
NDIQE LIVE "PANORAMA TV" © Panorama.al
