Shkrimtari nga Kosova, Albatros Rexhaj, është një nga konkurrentët e spektaklit “Dancing with the stars” që garojnë për kupën. E përveç zhdërvjelltësisë në lëvizje, Rexhaj ka përfituar shumë nga kjo garë sa i takon humbjes në peshë dhe dukjes më elegante. Nga java në javë, Albatrosi ka mundur të heqë gati 10 kilogramë nga pesha e tij trupore, duke e ndierë ndryshimin sidomos tekveshjet.
Kështu nga masa “large” që vishte dikur, tashmë i është dashur të ndryshojë gardërobën pasi i duhen veshje në masën “medium”. Për këtë ndryshim të dukshëm në pamje, e ka ndihmuar dieta e re ushqimore, e cila tashmë dominohet nga perimet e ziera. Shkrimtari 40-vjeçar dhe autori i një prej faqeve më të ndjekura në rrjetet sociale “Filozofia Urbane”, këtë vit ishte i suksesshëm edhe në ditën e Panairit të Librit në Tiranë, pasi libri i tij “Rebelimi i Lulusë” u rendit ndër titujt më të shitur.
NDIQE LIVE "PANORAMA TV" © Panorama.al