Mbrëmja e djeshme e “Soiree” në “Top Channel” ishte e gjitha e dedikuar librit, artit dhe letërsisë. Kjo pasi është çelur edhe Panairi i 21-të i Librit në kryeqytet.
Aktorja e njohur Ema Andrea ishte një nga të ftuarat e mbrëmjes, e cila me batuta tha disa të vërtet ndoshta të hidhura për rrjetin e artistëve.
Teksa Enkel Demi, të cilin tashmë mund ta gjeni në librari me emrin Tom Kuke, po diskutonte lidhur me pseudonimet në veprat artistike, Andrea ka ndërhyrë duke u shprehur se në një farë mënyre këto pseudonime janë të nevojshme për shkak se profesioni në fjalë është “punë qokash”.
“Profesioni ynë Keli, është punë qokash. Ne nuk shkojmë në shfaqje sepse e dimë kush e bën për shembull… luan Suela. Kjo bëhet jo vetëm mes nesh, por edhe mes publikut!”, shprehet Ema Andrea.
NDIQE LIVE "PANORAMA TV" © Panorama.al