Një aksident me një plagosur rëndë ka ndodhur në aksin rrugor Pushimi i Shoferit – Fier Shegan, në Lushnje. Sipas policisë, i plagosur ka mbetur një 76-vjeçar, i cili është transportuar në spitalin e Tiranë në Tiranë. Ndërsa drejtuesi i makinës që përplasi të moshuarin, është larguar nga vendngjarja pas aksidentit, për tu vënë në pranga më pas nga policia.
Haki Lezo, 51 vjeç, banues në Kuçovë, u ndalua nga specialistët e Sektorit të Qarkullimit Rrugor.
Policia sqaron se: “Ndalimi tij u bë pasi në aksin rrugor Pushimi i Shoferit – Fier Shegan, duke drejtuar mjetin tip “Fiat”, ka aksidentuar Ll.G, 76 vjeç, banues në Lushnje, i cili ishte duke udhëtuar me biçikletë. Ll.G ndodhet në Spitalin e Traumës Tiranë nën kujdesin e mjekëve. Drejtuesi i mjetit, pas përplasjes u largua nga vendi i ngjarjes dhe u kap më pas nga shërbimet e policisë rrugore. Materialet i kaluan Prokurorisë pranë Gjykatës së Shkallës së Parë Lushnje për veprat penale “Shkelje e rregullave të qarkullimit rrugor” dhe “Largim nga vendi i aksidentit” parashikuar nga Nenet 290 e 273 të Kodit Penal”.
NDIQE LIVE "PANORAMA TV" © Panorama.al