Një aksident rrugor u shënua mbrëmjen e kësaj të mërkure në Fier në vendin e quajtur “Mbrostar Ura”.
Një makinë tip “Benz” me shofer shtetasin me iniciale E.S. ka përplasur një motor, e për pasojë është plagosur drejtuesi i saj.
Ai u dërgua në spital ku aktualisht është nën kujdesin e mjekëve pa plagë serioze.
Njoftimi i policisë:
Sot rreth 20:15, në vendin e quajtur “Mbrostar Ura” shtetasi E. S duke drejtuar automjetin tip “Benz” ka përplasur një motomjet dhe për pasojë ka mbetur i dëmtuar drejtuesi i motomjetit i cili ndodhet në spital nën kujdesin e mjekëve.
Eshtë shoqëruar shtetasi E. S në Komisariatin e Policisë Fier dhe po kryhen veprimet procedurale.
Grupi hetimor po punon për identifikimin e shtetasit të dëmtuar dhe zbardhjen e plotë të rrethanave të aksidentit.
NDIQE LIVE "PANORAMA TV" © Panorama.al