Një aksident ka ndodhur sot në mbrëmje në afërsi të fshatit Gjorm në Vlorë.
Korrespondenti i gazetës “Panorama” raporton se një automjet tip “Ford” ka dalë nga rruga duke përfunduar në kanal.
Mësohet se drejtuesi i mjetit ka mbetur i plagosur, por fatmirësisht ndodhet jashtë rrezikut për jetën.
Siç mund të shihet edhe nga këto foto automjeti ka marrë dëme të shumta materiale. Në aksin në fjalë po punohet për projektin e lumit të Vlorës.
