UPDATE/ Dhjetë personat që mbetën të plagosur rëndë nga një aksident të ndodhur ditën e sotme në Rrëshen, janë transportuar në Spitalin e Traumës.
Mësohet se mes tyre janë edhe dy fëmijë, të cilët raportohen në gjendje të rëndë. Në Spitalin e Traumës, ka mbërritur edhe vetë ministri i Shëndetësisë, Ilir Beqaj.
Aksidenti ndodhi sot rreth orës 17:50 në dalje të qytetit të Rrëshenit, pranë një pike karburanti.
Mësohet se dy automjete – një tip “Volkswagen” dhe një tip “Ford”- janë përplasur me njëra-tjetrën.
Të plagosurit, janë dërguar fillimisht në Urgjencën e Spitalit të Rrëshenit, më pas u dërguan dy e nga dy me helikopter në Tiranë.
Ata janë: Agron Ahmetaj, 40 vjeç; Artiola Ahmetaj, 18 vjeçe; Merita Bytyçi, 41 vjeçe, Azem Bytyçi, 46 vjeç, Lavdi Ahmetaj, 46 vjeç; Elsuida Ahmetaj, 20 vjeçe; K.A. 16 vjeç; K.A. 12 vjeç; E.B. 14 vjeç.
Policia ka mbërritur në vendngjarje dhe ka nisur hetimet për zbardhjen e plotë të shkaqeve të aksidentit. Deri tani dyshohet se shkak mund të ketë qenë një parakalim i gabuar i njërit prej mjeteve.
NDIQE LIVE "PANORAMA TV" © Panorama.al
