“Panorama” ka siguruar pamjet nga momentet kur Rudolf Nikollaj, autori që plagosi me thikë 5 persona në xhaminë “Dine Hoxha”, neutralizohet nga besimtarët.
(KLIKO MBI VIDEON NESE JE MBI 18 VJEÇ! KUJDES PAMJE DHUNE)
34-vjeçari nga Burreli ndodhet i shtrirë përtokë, ndërkohë që goditet me shqelma dhe grushte nga besimtarët dhe kalimtarët duke u gjakosur. Në video dëgjohet një person që teksa e godet thotë: “Ai do kalbur!”, ndërsa një tjetër shprehet: “Ka vrarë 6 veta, ça policie!”.
Pak minuta më vonë në vendngjarje mbërrijnë edhe efektivët e policisë të cilët arrestojnë agresorin.
Gazetarja e Panorama.al bën të ditur se Rudolf Nikollaj është marrë në pyetje nga agjentet e antiterrorit, për të shuar dyshimet se pas këtij akti mund të jetë një sulm i organizuar terrorist. Ndërkohë që burime bëjnë të ditur se 34-vjeçari dyshohet të jetë me probleme mendore.
Të plagosurit nga sulmi me thikë janë: Amri Tola, 23 vjeç, Donard Koçi, 35 vjeç, Kleon Jaupaj, 26 vjeç, Mariglen Konja, 24 vjeç, dhe Sebah Peposhi, 22 vjeç.
Burime nga Spitali Ushtarak konifrmojnë për “Panorama” se gjendja e të plagosurve nuk është e rëndë, dhe ndërkohë po kryhen ekzaminimet e nevojshme.
