Ahmetaj dhe Veliaj inaugurojnë dy shkollat e reja, “Vaçe Zela” dhe “Kristo Frashëri” në kryeqytet

Sep 27, 2021 | 16:39
SHPËRNDAJE

 

Veliaj shkollat e reja-AhmetajZëvendëskryeministrin Arben Ahmetaj dhe kryetari  Bashkisë së Tiranës Erion Veliaj inauguruan dy institucionet e reja arsimore në kryeqytet, shkollën e mesme “Kristo Frashëri” dhe shkollën 9-vjeçare “Vaçe Zela” në Don Bosko.

Ahmetaj u shpreh se shkollat e reja përfaqësojnë edhe filozofinë e re të qeverisë dhe të Bashkisë së Tiranës për t’i dhënë brezit të ri ambiente moderne akademike.

“Shumëkush që e sheh i duket si një ndërtesë moderne, kampus universitar. Por nuk është kampus universitar. Në fakt janë dy shkolla, një shkollë 9-vjeçare dhe një shkollë e mesme. Është filozofia moderne e qeverisë shqiptare, e Erionit, për t’i dhënë brezit të ri dhe brezit të ardhshëm ambiente dhe filozofi moderne akademike. Ndërkohë dua t’i kthehem gjithashtu momentit të parë, kur e filluam këtë punë sëbashku Erion në 2017-n. U turrën të gjithë për t’i hedhur baltë. Sot kemi frytet e punës që do t’i gëzojë shoqëria , do t’i gëzojnë fëmijët, do t’i gëzojnë prindërit duke ardhur, duke mësuar më shumë, më mirë sigurisht do t’i shijojnë dhe mësuesit”, nënvizoi Ahmetaj.

Kryebashkiaku ftoi edhe prindërit që të kontribuojnë dhe të kujdesen që shkollat e reja të ruhen dhe të mbahen pastër, duke mos u dëmtuar.

“Kjo është një hapësirë ku duam të ndryshojmë mentalitet dhe duhet të jemi ortakë me qytetarët, ttë jemi aksionerë të përbashkët me fëmijët me këtë investim. Nuk jemi këtu vetëm për t’i mbajtur 6-7 orë nxënësit, por duam që dhe në orët e tjera të mbetura ne të rrethohemi me kulturë. Një makinë mund të lahet dhe brenda në parkim, nuk ka nevojë të zaptohet i gjithë trotuari para shkollës. Kjo ndërtesë është vetëm fillimi i një pune që do të vazhdojë me vite e vite tek brezi i shqiptarëve që do të rriten si “Vaçe Zela” dhe “Kristo Frashëri”, të kenë një mundësi që të themi ua plotësuam kushtet që të bëheshin të mëdhenj që kur ishin të vegjël”, sqaroi Veliaj.

veliaj shkollat

Veliaj shkollat e reja

NDIQE LIVE "PANORAMA TV" © Panorama.al

Te lidhura