Gazetari, Sashe Ivanovski-Politiko është konfrontuar edhe një herë me muskujt e truprojat e politikanëve maqedonas. Siç raportojnë mediat vendase, truprojat e kanë ndjekur gazetarin afro 100 metra teksa po ecnin në sheshin “Makedonija”, në kohën kur kryeministri po lëvizte për të marrë pjesë në manifestimin festiv për Ilindenin.
Portali “Kirilica” ka shkruar se truprojet e kanë kërcënuar gazetarin se do ta rrihnin nëse i bënte ndonjë pyetje provokative Gruevskit.
Duke shprehur mllefin, Politiko ka kritikuar këtë qasje të qeveritarëve.
“Si mendoni se do kishte reaguar Çento dhe Ilindenët e tjerë të jetonin tani dhe ta shihnin se si ju sundoni dhe t’i dëgjonin përgjimet nga bombat e Zaevit? A i shkelët idealet për të cilat ata dhanë jetë, si liria dhe drejtësia dhe prosperiteti i njerëzve.
Disa kohë më pare, gazetarin e ka sulmuar fizikisht edhe vetë zv/kryeministri maqedonas, Vlladimir Peshevski. Gazetari është bërë i njohur në vend për pyetjet provokuese që u drejton pushtetarëve aktual të VMRO-së dhe BDI-së.
NDIQE LIVE "PANORAMA TV" © Panorama.al