Ministrja e Arsimit, Besa Shahini, ka qenë e ftuar mbrëmjen e sotme në emisionin “Zonë e Lirë”, prej nga ku ka treguar eksperiencat e saj profesionale të mëparshme, para se të bëhej zv. Ministre dhe më pas ministre.
Gjatë intervistës, Shahini është shprehur se ka qenë shoqe klase me Elisa Spiropalin dhe e njeh Erion Veliajn prej disa vitesh.
“Kam qenë shoqe klase me Elisa Spiropalin në Kanada në ’91-‘01 dhe shoqe pune me Erion Veliajn. Në 2013 kam punuar në Shqipëri, ku vëzhgoja zgjedhjet për një kompani gjermane”, u shpreh ministrja Shahini.
A u largua Nikolla pas protestave të studentëve? Flet Besa Shahini: Rama bëri…
Ministrja e re e Arsimit, Besa Shahini, ka qenë e ftuar sot në emisionin Zonë e Lirë në intervistën e parë të saj.
Shahini në këtë intervistë ka folur për largimin e Nikollën nga drejtimi i ministrisë, duke thënë se vendimi i Ramës nuk erdhi nga protestat e studentëve.
Si e more lajmin e emërimit në këtë post?
Unë kam qenë zv. Ministre e Arsimit për një vite e dy muaj. Për mua nuk ishte e papritur që një ditë mund të zëvendësoja ministren, por nuk e kam pritur fare që Lindita do të largohej. Isha aty tek debati i protestës dhe studentët u pyetën nëse ishte faji i ministres Nikolla që gjërat kishin shkuar deri në atë pikë, por pjesa më e madhe e studentëve nuk e kërkuan dorëheqjen e saj. Isha në mbledhjen e Partisë Socialiste kur u bë njoftimi.
Atëherë i bie që Rama e ka hequr kot ministren Nikolla përderisa studentët e donin atë
Jo, Lindita nuk u largua për shkak të një proteste, thjesht Edi Rama bëri disa ndryshime në qeveri të njëpasnjëshme.
NDIQE LIVE "PANORAMA TV" © Panorama.al
