A rrezikoni të shpalleni ‘non-grata’?/ Ilir Meta: Këto gatuhen në kuzhinën propagandistike të Edi Ramës

Aug 5, 2022 | 20:25
SHPËRNDAJE

Kreu i Partisë së Lirisë, Ilir Meta i është përgjigjur spekulimeve se mund të shpallet ‘nongrata’ nga Shtetet e Bashkuara të Amerikës, ashtu si lideri historik i së djathtës, Sali Berisha.metaqiii

Sipas Metës, gjithçka që mund të pretendohet apo thuhet vjen nga kuzhina e kryeministrit Rama.

Pyetje: Spekulohet se ka një mundësi që edhe ju të shpalleni non grata nga SHBA. Keni ndonjë sinjal?

Meta: Nuk merrem me këto çështje fare dhe ju e dini qëndrimin tim edhe kur është shpallur z.Berisha. Unë respektoj vendimin e çdo vendi kudo në botë dhe absolutisht që kjo s’ka asnjë lidhje me raportet e Ilir Metës, në radhë të parë me popullin e Shqipërisë, sepse mendoj që ky është raporti kryesor që më mban mua në politikë, por jo vetëm në politikë, por në të gjithë jetën time si atdhetar, qytetar, si patriot, dhe si njeri i lindur dhe i vendosur për t’i shërbyer gjithnjë vendit tim pavarësisht nga pozita ime. Siç kam bërë gjithmonë, kështu do të bëj edhe në të ardhmen. Sa i përket raporteve ndërkombëtare, unë kam qenë në krye të çdo përpjekjeje për integrimin evropian të Shqipërisë dhe askush s’ka bërë më shumë si politikan në 30 vjet, në mënyrë koherente, për të ndihmuar këtë proces, se sa Ilir Meta. Në të ardhmen do të plotësojmë çdo detyrim që kemi në raport me BE-në. Kam qenë që në fillimet e mia, edhe kur PS ishte kundër pranimit në NATO, për anëtarësimin e Shqipërisë në NATO. Dhe ne do të plotësojmë të gjitha detyrimet që kemi ndaj NATO-s në të ardhmen. Të gjitha këto të tjerat janë histori të kuzhinës propagandistike të Edi Ramës.

Pyetje: Sa përbën problem përdorimi i këtij instrumenti në politikën e brendshme?

Meta: Në politikën e brendshme për mua prioritet është vetëm një gjë, çrrënjosja e sistemit korruptiv të Edi Ramës. E në radhë të parë çrrënjosja e korruptimit të drejtuesve të caktuar të ish-opozitës apo që bëjnë gjoja sikur bëjnë opozitë sot dhe vetëm duan të devijojnë fokusin e një revolucioni anti-korrupsion dhe që synon çkapjen e shtetit, në nisma që i interesojnë vetëm Edi Ramës.

© Panorama.al

Te lidhura