Kryeministri i Kosovës Albin Kurti u pyet gjatë konferencës për media lidhur me raportet me homologun e Shqipërisë Edi Rama.
Albin Kurti tha se është në kontakte të vazhdueshme me Edi Ramën, duke zbuluar se janë takuar në Tiranë dhe Dhërmi.
Kryeministri i Kosovës tha se e vetmja gjë për të cilën nuk bien dakord është “Ballkani i Hapur”, por kanë komunikim dhe bashkëpunim për gjëra të tjera.
Pyetje: Keni folur së fundmi?
Kurti: Në çdo konferencë dhe Samit takohemi dhe komunikojmë. Herën e fundit ishte në Bled të Sllovenisë.
Pyetje: Po në Tiranë edhe Prishtinë nuk takoheni?
Kurti: Jo jemi takuar edhe në Tiranë, edhe në Dhërmi, ne vazhdimisht takohemi. Ajo që është e përbashkët midis neve është shumë më e madhe. Nuk biem dakord për “Ballkanin e Hapur”, çfarë të bëjmë tash?! Nuk mendoj që është nismë në interes të shqiptarëve të Kosovës. Për gjëra të tjera jemi në komunikim edhe bashkëpunojmë.
NDIQE LIVE "PANORAMA TV" © Panorama.al
