Konkurrentja e “Për’puthen”, Alvisa Qarri, u rikthye të shtunën e kaluar në programin e dashurisë, pas akuzave të rënda të ish-të dashurit të saj, Hysen Ramaj. Alvisa tha se një ndër arsyet kryesore që e bënë të rikthehej ishte pikërisht Bashkim Saiti.
Gjatë një bashkëbisedimi në prapaskenë, 25-vjeçarja bëri një deklaratë të fortë për djalin nga Kosova. Ajo tha se është e gatshme t’i dalë plumbit përpara për Bashkimin.
Pjesë nga biseda:
Azemi: A je e gatshme për me i dalë plumbit përpara për Bashkimin?
Alvisa: Nëse do jem me atë, patjetër që po. Të shkëlqen fytyra tani! (i drejtohet Bashkimit)
Hyseni e akuzoi Alvisën se ka qenë gjatë gjithë kohës e lidhur me të dhe se vendosi të tregojë të vërtetën, kur mësoi se ajo e tradhtonte me Saitin. Ai tha se e kishte parë të flinte dy net në shtëpinë e tij dhe këtë gjë nuk e kishte duruar dot.
Nga ana tjetër, Alvisa tha se është dhunuar fizikisht nga Hyseni dhe madje tentoi të tregojë fotot me shenja në fytyrë dhe trup, të cilat i kishte të ruajtura në telefon. Konkurrentja tregoi se është kërcënuar vazhdimisht nga ish-partneri dhe kjo ka qenë arsyeja pse nuk ka shkuar në Polici, për ta denoncuar dhunën.
Sipas Hysenit, këto deklarata nuk janë të vërteta e për këtë arsye, do të nisë një prces gjyqësor kundër Qarrit.
NDIQE LIVE "PANORAMA TV" © Panorama.al