Dy javë më parë, Adelina Ismaili, nisi rrugëtimin e ri si moderatore e emisionit “Tetë a tetë me Adelinën”.
Të shtunën e shkuar ajo kishte të ftuar Fatmir Limajn për të folur për luftën e Kosovës dhe për detajet nga e shkuara e tij.
Gjatë intervistës u përmend edhe kënga “Marshi i UÇK-së”, kënduar nga Arif Vladi dhe Adelina pretendoi se ky i fundit është paguar për këtë këngë.
Arifi reagoi menjëherë duke i mohuar akuzat dhe duke i kërkuar Adelinës që të nxirrte fakte ose ndryshe do ta hidhte në gjyq.
Sot, ka qenë Adelina ajo që ka reaguar, duke treguar se kënga ka qenë më të vërtetë e sponsorizuar.
“Mirëmëngjesi Arif Vladi. A po don gjyq me mua? A i ke paguar taksa Kosovës kur je paguar në koncertet që lajmëroheshin si humanitare? Zvicrës? Gjermanisë? Etj.
Ky është vetëm fillimi. Ju duhet të qëndroni në emisionin ‘Tetë a tetë’ për të kuptuar se kush vërtet jeni. Vërtet ka kaluar koha kur keni shkelur mbi njerëzit e mirë, kur keni shitur të shenjtën. Ama tash faqen ta qnuki pak”, ka shkruar Adelina.
Pak minuta më parë, moderatorja ka zbuluar edhe shumën e parave që ai ka marrë. Në një postim tjetër në Instastory, ajo shkroi:
“Falënderoj furnizuesin kryesor të logjistikës së UÇK-së, z. Refik Hamiti që bëri të ditur publikisht se sa është paguar Arif Vladi për këngët e tij “humanitare”.
Ju ftoj në emisionin tim ‘Tetë a tetë me Adelinën’ të flasim pak mbi këto tema që mbesin mister edhe sot. Mua nuk duhet të më paguani”.
NDIQE LIVE "PANORAMA TV" © Panorama.al