Kryetari i opozitës, Lulzim Basha mbajti një konferencë për mediat nga selia e PD-së, lidhur me bilancin e 300 ditëve të qeverisë “Rama”.
Ai akuzoi kryeministrin se po mbron kriminelët dhe se po pengon dekriminalizimin. Sipas Bashës, Rama i hoqi gratë nga Parlamenti për zgjedhjet lokale, që t’u hapte rrugën kriminelëve të hynin në Parlament.
Basha komentoi edhe çështjen e deputetit të përfolur në raportin e DASH, si i dënuar për prostitucion.
“Rama largoi gratë nga Parlamenti që t’u haptë rrugën kriminelëve. Një ditë pas raportit të DASH se një deputet është i dënuar për prostitucion Rama bën sikur nuk di gjë, edhe pse për secilin prej tyre flet lagja e krejt qyteti, flet media dhe opozita, flasin ndërkombëtarët dhe strukturat Europiane.
Edi Rama e njeh këtë turp. Për të, dënimi i Ndokës është ngatërresë, ndërsa dënimi Ervin apo Elvis Rroshit është çështje emrash, ndërsa ai i Bushit është gënjeshtër e mediave ndërkombëtare”, tha Basha.
Po pse nuk dha Rama shenjat e gishtërinjve? Ata janë themeli i korrupsionit të dyshes RamaMeta. Ndaj fshehu kërkesën e Interpolit, apo dhe fsheh largimin e Arbën Frrokut.
Edi Rama nuk është një, ka dy si ai. Iluzioni nuk a fund. Nuk kam asnjë shpresë që pushimet do ti sjellin mendje të re atyre.
Kam shumë shpresë e besim se ky kthjellim po vjen, dhe Shqipëria e nëpërkëmbur do të ngrihet e nuk do të mposhtet. Por do të luftoj deri sa e drejta dhe e mira të triumfojë mbi të keqen”, vijoi më tej Basha.
Ai akuzoi qeverinë se gënjen me shifrat e rritjes ekonomike, dhe se ato ua kanë hedhur poshtë institucione si Ministria e Financave dhe Instat.
NDIQE LIVE "PANORAMA TV" © Panorama.al